لاضاق صدري قمت ادورك وابيك = كأنك تجيب لضيقة الصدر حلي
واليا توسع خاطري قمت اناديك = ومن غير ما اشعر فيك ارحب واهلي
وان غبت كل افراح عمري تباريك = وان جيت 00 جيت ابكل شئً يسلي
هاذي حياتي كلها بين اياديك = خذها شوي 00اشوي00 واجيك كلي
ياكثر مالك من غلاء عند مغليك = ماهو غلاء اللي يرغبون التسلي
كل المشاعر لك عبيد ومماليك = امر تدلل بينها واستحلي
ماعاد يمديني ولاعاد يمديك = نترك بعضنا لو مزوح وتغلي
اطلب وانا اعطي كل شي ً بيرضيك = واللي ماهو مرضيك جعله يولي
وتبا الصراحة عاد من غير تشكيك = انساك وقت اسجد لربي واصلي
اما عدا ذلك فلا هوب خافيك = الوقت00 كله لك00 دقاقه وجلي
ومع كل درب اروح وامشي ولاقيك = وانا احسب اني رحت واثري محلي
وان قلت با ابعد قمت اتابع خطاويك = وانقد على نفسي وهو جايز لي
وقدم العرب ماودي اجيب طاريك = وانسى واسولف بك علوم ً تدلي
واليا انتبهت اقول ما السالفة فيك = هاذي سوالف واحد ً قايلا ً لي

المشاركة الأصلية كتبت بواسطة سفير المعاني (المشاركة 353362) الغالي الشاعر المهدي بن تركي الله انه يسعدك بجميع اوقاتك بكل خير واسعدني ان اكون اول المصافحين لهذه القصيده الاجمل من جميلة والاروع من رائعه وصح لسانك مليون ولا يكفون تقبل تحياتي

المشاركة الأصلية كتبت بواسطة الإدمي (المشاركة 353391) سأكتفي بأن انثر قليلاً من حبري على صفحتك .. لتكون تعبيراً بسيطاً مني عن بريق و جمال هذه الحروف الرائعة ... شكرأ لك على نثرك لهذه الحروف لتستنشق من عبير قلمك القليل لك ودي و تقديري ... ?