وطنيه شاركت بها باحتفالات العيد عام 1423
بحفل العيد حفل امحافظة داورد واعيانه=نظمت ابيات شعرن صغتها من خاطري عذبات بيوتن عطرها بالمسك والعنبر وريحانه=بيوتن وافيه جزله بدهن العود مطليات يقوله شاعرن من حب داره ساق قيفانه=بداهن باسم خلاق العباد منزل الآيات جليلن تسجد اعباده ترجى منه غفرانه=عظيمن ماترجينا لغيره حزة الضيقات عسى بامره يزول اللي بقلبه حقد واخيانه=عسى الله عن وطنا يدفع المكروه والسيات بلادن في قيادة خادم البيتين واخوانه=فهد ذخر الملوك وعز داره طيب الوقفات عمى عين المعادي لازغره بشر شيطانه=عماه اليا نوى بالغدر واللا بطن النيات فهدنا درعنا ستر الوطن والشرع برهانه=عسى الله يرحم اللي ورثه ويسكنه جنات ويبقى له ولي العهد عبدالله عوين وتبطي ازمانه=امفرج ظيقة اللي من زمانه ذايقن حسرات ابو متعب لشعبه فاتحن قلبه وبيبانه=وش اوصف وش اخلي اعلومه كلها جزلات يموت الحي يذكرها وهو ماعبرالسانه=ولو حاول يسجلها يموت ولاملى الصفحات واعود يم ابو خالد وزير الجيش واركانه=مقر الجود سلطان السعد هو راعي الفزعات على عد الصخى والطيب نفسه منه رويانه=ادليه بالصخى والطيب ماتقصر عن الجمات ولا ننسى العميد اللي نشت داورد باحسانه=امير المنطقه سلمان اخوهم راعي الطولات مقر الطيب سلمان الوفى رمزه وعنوانه=عسى حيه لطول العمر والله يرحم اللي مات عسى الله يقبل ادعانا عظيم الشان سبحانه=لوجهه نرفع ايدينا عسى الله يقبل الدعوات يعز املوكنا ويفكهم من شر عدوانه=ملوكن بالشريعه سيفهم مايرحم الهامات ملوكن حكمهم يقرن بشرع الله وقرآنه=ولا غير السعود احكامهم بالشرع مقرونات ولو بعض الدول من حكمهم بالشرع زعلانه=عليهم دايمن تسعى وتبحث تمسك الغلطات علينا حقدهم من حكم شرع الله وايمانه=يكنون العدا واقلوبهم من يمنا شرسات اعصاتن حاربونا قادهم شارون واعوانه=على الاسلام واحكام الشريعه شنو الغارات اتهاجمنا وكلن وجه اعياره ونيشانه=علينا شنو الغارات بالاعلام والحملات نعيش اليوم وقتن ثايرن عجه ودخانه=ولو قالو وقالو للسعود انجدد البيعات يقوله من مشى حب الوطن مع دم شريانه=وهبه الله بنظم الشعر ربي غافر الزلات مواطن مخلصن من نجد في داورد مسكانه=دعاه الموقف يسوق القوافي وابرك الحزات يبارك في حلول العيد عن خاله وعمانه=الحكام الوطن حكام شرع الله هل النخوات وللشعب السعودي ولجميع المسلمين بساير اوطانه=ويقبل خالص التقدير من يسمع بها اللحظات هذا والختم اصلي عد مايقطف ثمر خوخه ورمانه=على من خصه الله بالرساله مابها شكات محمد صفو خلق الله رسوله خاتم اديانه=صلاتي والسلام ازين اختامن فيه منهيات |
؛
سلم هذ الحرف الذي تسلق سلم لمجد ليعانق الغيم ويرسم لونا اخضر خافقا صح نبضك وصناعة حرفك الجزل كن بخير |
الغالي
الشاعر ابراهيم اليحيا اسعدك الله ووفقك بجميع اوقاتك بكل خير سرني واسعدني ان اكون ضمن المصافحين لهذه القصيده وما تحمله بطياتها من جزاله وشعر خاص بالحب والولاء للملك عبدالله و الوطن ومن على ارضه وصح لسانك وعلا شانك مليون ولا يكفون وتقبل تحياتي |
كلمات تحمل رقة الاحاسيس والمشاعر وتحمل نبض الشعور النبيل فسلمت وسلم بوح قلبك الندي ننتظر جديدك بكل الشوق والود |
اقتباس:
|
لاهنت وصح لسانك
شاعريه ووطنيه ادام الله عليك الافراح والمسرررررررررررات تحياتي وتقديري |
القدير شاعرنا براهيم اليحيا
صح السانك وسلم بنانك لاهنت على القصيده الجزله تحياتي لشخصك الكريم |
اقتباس:
|
ابراهيم
صح لسانك ملايييييين تحياتي . |
اقتباس:
|
الساعة الآن 07:15AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية