بنت القمر مثل امـّـها تطلع قمرّ=والورد .. يبقى ورد يا محلى العسلّ
والحب اعمى آآه .. لو عنده نظرّ=ما كان نشـّـكي يالهوى كثر العللّ
العود ما هو عود لو شلــّـت الوترّ=والشعر اول ما نطق بيت الغزلّ
اشهد بان الليل تؤمــّـه السهرّ=وان الغنج مخلوق في سود المقلّ
يا صاحبي جيتك وانا قطعة جمرّ=ودي ابوح وداخلي وردة خجلّ
ودي دوا للعشق لاني في خطرّ=ودي انا تخــّـلف ضلوعي بالبدلّ
وتشيل قلبي من يساري بالحذرّ=خبــّـيه فيني وادّفنه بقــّـصى محلّ
اشواقنا تعشق تناهيد السفرّ=ونداعب الاقداح من بعد الثــّـملّ
ان راح يسكبّ داخلي غيمة ضجرّ=وان جا .. من الفرحه تحســّـبني خــَـبلّ
قلبي بيده وانا في يدّي حجرّ=يكفي عذابه والقسا هدّ الجملّ
جسر الجنون الي رصفته بالدررّ=انهار باحلامي وهو يحمل جبلّ
شوف الشجر دون الورق ما هو شجرّ=وانا بلا حــُـبــّـه يوافيني الاجلّ