ياعذابي من يلوم اللي مـن الجـور امتضايـق =خضت اناسوق الغرام ابغا النجاح وطاح سوقـي
طحت انا في حب جايرشب في جوقـي حرايـق =وانس الحب الحقيقي قام يجري فـي عروقـي
ما اتهمته بالخيانه بـس لـه طبـع وطرايـق =يِلحق الصابر مـداه وذوقـه مخالـف لذوقـي
وان طلبته حاجـةٍ يثبتلـي العـذر اب وثايـق =والصحيح اصدقـه والنفـس عيـت لا تفوقـي
اكفخ ابجنحان مكسـوره مـع الجـال اتهايـق =يمكن اعـود سليـم ويمكـن الناتـج زلوقـي
يا عرب ردو علي قلبً غدا فـي كـف بايـق =قالو السلطـان فـي مافـات بـذّاه السروقـي
قلت انا ياقلب هـوّد وقـت ولا صـرت رايـق =ولجل احصل مقصدي من صاحبي يا نفس روقي
وجيت ابكشف ما بقالـي واتقصـى للحقايـق =واكتشفت انه خذا حقه ومـن فوقـه احقوقـي
قلت له يازين انا بالحيـل متعومـس وضايـق =قال لـي لا تلتفـت صوبـي وقلبـك لايتوقـي
قلـت ياغـض النهـد بالله لوتسمـح دقايـق =بشرح ضروفي وابيّن لك مـدا حبـي وشوقـي
قال لي يابو سعـد دور بدالـي فـي الخلايـق =المحبـة بالرضـا مهيـب شـدن بالحلـوقـي
قلت له وين انت رايح قال لي ويش انت ذايـق =لا تحسب اني لكم زبدة علـى خشم السلوقـي
وصرت انا مابين غار ونار موقفً غير لايـق =ولعت تحتي جحيم وصار صُبـر الغـار فوقـي