قبل اشوفك كنت زير بلا ضمير=كنت اعشق يوم تــَـيــّـه يوم تــِـيـــِــك
كنت اراهن فيك من عادك صغير=وفي خبايا الذات عالم يحتويك
في رموش الليل اهمس واستخير=وقبل ما اشوفك تصدق اشتكيك
كل ما فيني على فينك يغير=وكل احساسي يجنــّـني يبيك
كنت في لوعه ضحيتها كسير=لان طيفك من يناديني اجيك
وحانت اللحظه مع حلمي الكبير=والتقت عيني مع نظرة عنيك
شفت قلبي مثل عصفور(ن) يطير=طار من بين الحشا يجري عليك
والتقينا في طرف ذاك الغدير=والقدر من قبل امشي له مشيك
دهشتي اوحت لفمي بالصفير=كثر ما بحــّـلقت قالت ويش فيك
وجه له من هيبته طلة امير=ما توقعتك وربي حلو هــِـيك
خفت قلبي من خفوقه لا يثير=فوهة اعماقي وتنثرها يديك
يا مليح الوصف يا انفاس العبير=حرّت من وين البدايه ابتديك
يا صاحبي حـَـرّ الهوي ماله مجير=ومن عشق نبضك بروحه يفتديك