(((دموع الغلا )))
الا واعذابي كل مامرني طاريه=يضيق المكان ويصغر الكون وأملّه سهيرٍ وأهل الدمع حتى جرى ساقيه=وطال الطويل وساعة الوقت مختلّه لنا الحين حول العام ماساقته رجليه=يبرّد ضماء روحٍ من البعد معتلّه انا لابغيت مواصله ماقدرت أجيه= وقف بيني وبينه ردى الحظ واخوٍ له طريقٍ يودي صوب حيّه حشى مامشيه= وانا خابرٍ البيت والشارع وأدله اخاف العواذل من كلام القفى تذّيه= تكلّم عليه بدافع الكره وتذلّه غرامه تمكن داخلي بالعروق أسقيه=وغصن الغلاء مرويه لين انفرش ظلّه تطارد خيوله فالحشاء والحشاء ياويه=من عيون حسادٍ تدور على الزلّه وبيته من اضلوعي وطوب الغلا بانيه=تهايق شبابيكه على القلب ومطلّه تخدمه خلايا الدم من شفّها ترضيه=تناوب عليه من الغلا تسهر رضىً لّه جميع العروق تصيح من داخلي تبغيه=تومّر على عرش المعاليق واحتلّه ليا شفت جوالي ورقمه مسجل فيه= دموع الغلا من مدمع العين منهلّه عسى الهاتف اللي لدّ الارسال ماياتيه=عساه السروق اللي من البيت يشتلّه _ _ _ _ _ _ _ نايف بن جليغم _ _ _ |
الشاعر
عاسف المهار قصيدة تستحق التصفيق لها جزل في المعني والتعبير صح بوحك |
الغالي
الشاعر عاسف المهار الله انه يسعدك ويوفقك بجميع الاوقات بالخير اسعدني مروري على متصفحك ومصافحة قصيدتك الاجمل من جميله بايقاعها وسبكها وصح لسانك وعلا شانك مليون ولا يكفون وتقبل تحياتي |
عاسف اسعد الله قلبك نص مبحر .. مبهر .. لدرايش خفوق .. تتلاعب بها .. رياح الوله .. عصف ريح ..تناثرت به ..احاسيس معطره كنت هنا ,, واستمتعت تحياتي .. ودمت بخير |
صح الله اللسانك
على هذه الدُره |
اقتباس:
زمان العجايب صح الله بدنك وتواجدك يسعدني دائماً لاهنت ولاهان مرورك لك كل التقدير |
عاسف المهار
صح لسانك ولاهنت على هذه الرائعة يعطيك ألف عافيه أسيرالآآآه |
الشاعر عاسف المهار
صح لسانك على القصيدة الرائعة كحساس صاحبها تحياتي لك |
عاسف المهره
تجولت بين حروفك وما اسعدني بالمكوث فيها لحظات حرووف ذات احساس ورونق رآقي جزيل الشكر والأمتنان تحيتي |
الساعة الآن 01:20AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية