طعنني ( لعن ابو ) خنجر وفاي اللي طعنني به=وانا الأسباب ..واللي صار لي ماهو من اسبابه !
أحسب انه يبي ياقف .. ولو من دافع الطيِــبه=أحسب انه عصب راس وطلع راسي بـلا عصـابه
حسايف .! كنت احسب انه ! واحسب اني اماريبه = طلعت اعمى بصر.. مدري بصيرة وآتـهقوابه
مُصيبه .. والله انه يا جماعه اكبر مصيبه=خلاص أنا انصدمت الصـدمة اللي..قّفلت بابه
يجـي ..؟والاّ بلاش استغفر الله صدق وش لي به ؟! = عساه (قريح ) لا عادت ثواني نالت اعجابه
حشا ماني ضعيف اليا استحيت وقمت اهليـبه=وهو ما هو رجل لا جا .. بعد ما صار واشقابه
ولاني قايلٍ لا جا مجاله ..والله الخيـبه=رداه.. وطيبه لنفسه .. ونفسي تكره عْـتابه
أساليبي طبع ماهي تطــبّع مثل اساليبه=ورب الكون .. يا هذا ..فلا حسّبت لحسابه
هو اللي يزعم انه يعشق العليا ..وذا عيبه= وانا ما ازاعم اشباه الرجال بشي وابلابه
انا لا قلت ابسري فالطريق الصعبه .. اسري به=لأني اتقي من شر كلمة .. تصبح اطلابه
واحسْب حْساب عن بعـض السوالف تنحسب غيبه=وراع السيف جاب السيف وودّا السيف بجرابه
ترى عرف الرَجال ..تجارة الكـسبان من طيبه =ولكن خيبة الرجّـال اذا !؟ إذا خانوا به اصحابه