|
(ذي طراة العمر والراحه ورد البرى)
السلام عليكم ورحمة الله وبركاته
بدون مقدمات إليكم هذه القصيده أرجو أن تحوز على بعض رضاكم
ماحلا شكر المطر يوم يضرب بالثرى=ينعش إغصونٍ براها جفا الدنيا بري باع فيها القيض والبرد حول واشترى=حتت أوراق الشجر لين خلاها عري مير صبحها سحابٍ من القبله سرى=ينفري صدر السما المظلم إبّرقه فري صوت رعاده لغم في جبال أم القرى=والبروق إن لاحت إتقول موكب عسكري لا رتخى واطلق ثعوله على الوادي جرى=مختنق في بطنه السيل يجري به جري ترتوي منه المدن والصحاري والقرى=مدة اللي بأمره المنعسر يصبح ثري منوة اللي ضايق إمن الزمان الاقشرى=متهم بالراحه وخاطره منها بري ليت عندي جيب جكسار والعزبه ورى=لو عندي قيمته والله إني لاشتري أشتريه من الوكاله وأحطه بالذرى=حرٍ إمبرقع على صيدة الصيده جري لابدا اللازم كما سد بالسيل إنفرى=أو كما شيخٍ على صدت الغاره ظري صنعة اليابان ماصنعوه إنقلترى=أجزم إن اللي إصنعه واحدٍ ماهو صري يقطع إطوال المسافات عنها مادرى=متسع باله مثل وسع بال الشمري يطلق وجيه النشاما مايلحقها زرى=لا تخاوو يم خدٍ جميل المنظري عله الوسمي مبكر وعوشب وأزهرى=والخزامى والنفل ريحها توه طري مره إنسولف ونمزح فرادى واخشرى=ومره إنجر القصايد هجيني واصخري ذي طراة العمر والراحه ورد البرى=للزمان اللي قصم بالمعاناة إظهري ودي أفرح قبل نشدة نكير ومنكرى=والهموم إتروح فاقصى زحل والمشتري كلٍ يسج القدم للمكان اللي يرى=وابدوي الطبع لا يمكن إيصير إحضري ودمتم سالمين |
اخذلك خوي يابوعامر
صح لسانك لين ترضى متعتني الله يمتعك بالعافيه تحياتي . |
الغالي
الشاعر علي بن عامر اسعدك الله ووفقك بجميع اوقاتك بكل خير سرني واسعدني ان اكون ضمن المصافحين لهذه القصيده الاجمل من جميله والاروع من رائعه وما تتضمنه من شعر واتمنى ان الله يحقق مقاصدك وصح لسانك وعلا شانك مليون ولا يكفون وتقبل تحياتي |
لــ روعة خيارتك وتأنق ذائقتك
الإبداع يرسوا والجمال يذرف المزيد منه بين سطور مُتصفحك بإنتظار جديد مافي جعبتك لــ نرتقي به آكثر ويزيدنا فخر كونك بيننا " ألتمس بحروفي العذر إن قصرت وأتركها هاهُنا وآرحل بصمت ...) ولازلت بالإنتظار للقادم .... |
علي بن عامر
قصيده معبره والله انك شاعر وربي يمكنك مشكور |
اقتباس:
صح بدنك ياعقاب شرفتني بمرورك الكريم وان كانها على الخوه مخاوى مثلك وشرواك شرف |
| الساعة الآن 09:49PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية