|
محمد الذرعي الشمري...وقصيده رائعه عن البداوه والعولمه
http://img141.imageshack.us/img141/7...22filtered.jpg مـا عـاد بـه بـدوان ، وأهـل البـداوه ........راحـوا مـعَ ركْـب التطـوّر ولا جــاو وموروثنـا شـنّـوا علـيـه الـعـداوه ........وثارت عليه (العولمـه) (ثـورة المـاو) وشفنـا عقـب بـدوْ النقـا والصـفـاوه ........بـداوة ٍ مـا تجـذب اللـي لهـا غــاو وصار المدى بيـن (الفعِـل) و(السمـاوه) ........أبعد مـن الحـد الجنوبـي عـن (الفـاو) الضـيـف بــدّل تمـرتـه بالـحـلاوه ........وأبدل حليب النوق .. (صافي) و (دانـاو) وفنجالنـا اللـي فيـه كيـف وحـفـاوه ........غـدا (كبتشينـو) و (موكـا) و (كوكـاو) وعقب (المقصّـب) صـار لبـس الفتـاوه ........مـا بيـن (برمـودا) و(جنـزٍ) و(مكّـاو) ومن شـبّ جـدّه عُـود جـودٍ و(جـاوه) ........بنار الدلال اللـي حمَـر جمرهـا ضـاو اليـوم نــاره للـشـوي والفـضـاوه ........وإليـا شعلهـا حطّهـا جمـرة اقــداو ومن كـان جـدّه فـي قصيـده رهـاوه ........اليوم جيبه مـن جـزل مـا قصـد خـاو ثلثيـن حكيـه دنفسـه مــع فـهـاوه ........يقبل عليك بـ(هاي) .. ثم يقفي بـ(تشاو)! ميّـل وجنّـب صــوب درب الـدنـاوه ........وما يسمع لقول العـرب : عـدّل و سـاس وأحفـاد نسـل المرجـلـه والـضـراوه ........اليوم تِرعِش جسمهـم سَمْعَـة (ميـاو)! يا أهـل الضميـر الحـي وأهـل النقـاوه ........ويامـن لبستـوا طيبكـم لبسـة فــراو سلْـم الـبـداوه لا تصيـبـه رخــاوه ........و(الباء) .. لا تفرق عن (الدال) و(الـواو) وْلا ينحـدر للقـاع .. بـعـد الـعـلاوه ........تكفـون جـوْدوه بمقاضـيـب وعــراو وْ لا ينتكـس للضعـف عقـب السطـاوه ........وْلا تغلـب (ذيـاب الفـلا) حفنـة جـراو لـو نجـرح الماضـي بمـوس السـلاوه ........مـا تسمـع آذان الزمـن قولـنـا : داو للشاعر محمد الذرعي نقلتها لكم لعلها تروق لكم |
قصيدة معبرة
ولكن مهما وصلنا في تغيير مظهرنا تبقى أصولنا ثابته ونريد اللحاق بالعالم المتطور وكيف ذلك بجمل وحليب نوق وشبة نار وأفعال الاجداد ؟:d كل ذلك دفن مع الاجداد خلف العاطفي تقديري لك |
خلف العاطفي
اختيار مميز بيض الله وجهك ولاهنت تقدير لك |
الغالي
الشاعر خلف العاطفي الله انه يسعدك ويوفقك للخير بيض الله وجهك وجه شاعرها جزله ولها روح صح لسان شاعرها ومشكور على النقل لاعدمناك تقبل تحياتي |
زمان العجايب
اهلا وسهلا بك ويعطيك العافيه وكلنا نسعى للتطور ولاكن ان يكون بأدب واحتشام بعيدا عن التقليد الاعمى واكيد نحن لجذورنا وعاداتنا ماحُمِّد منها لاكن لفت نظري اغلب تصرفات بعض هذا الجيل اسأل الله لهم الهدايه ولقيت هالقصيده وجت على الجرح...لذى قدمتها هنا شاكر لك المروور يا اصيله |
اقتباس:
ووجهك يابنت الاجواد عبير الرووح شاكر لك المروور والحضوور |
اقتباس:
ويسعدك يابو محمد ويبيض وجهك يشرفني تعليقك وان تنال على رضاك سفيرنا الغالي شاكر لك المرووور والله يطول بعمرك |
وتبقى البداوه في عرق كل واحد أصيل أهنيك على جمال إنتقائك صح لسان الشاعر وتسلم يمين الناقل وبإنتظار المزيد تحيتي لك |
لازال البعض منا يحمل كثير من البداوه والأصاله
ويفتخر بها الشاعر خلف العاطفي قصيده راااائعه الحقيقه ونقله موفقه اشكرك عليها تقديري لك .. ... مشاعر |
النجلا
اسعدني مروورك وشاكر لك |
| الساعة الآن 10:38PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية