الله خلق جنه وفي وسطها حور = وأنتي لكل الحور ياحور جنه
يالنايفه واللي خلق شامخ الطور =أن الغلا مشروع والعشق سنه
أبختصر لك والوفا .. نبض وشعور = مثل المطر للارض والوقت كّنه
في خاطري كلمة وفي داخلي جور = وفي نظرتي عزه وعطف ومحّنه
لكن شكيت الجور والصدر معذور = في داخله . عبره . وصرخه . ووّنه
لا عاش رأسٍ خاطره عاش مكسور = ولا هان رأسٍ ما ألحّق المد مّـنه
في هالزمان اللي من الصدق مهجور = كم من أسنافي بالبشر خاب ظنه
أنسان رغم أمانته ؟ عاش مقهور = ماكن حوله قلب حيٍ يّحنه
يشعر بضيق صدور . وصدور . وصدور= ولا يبدي الشكوى على الناس لنّه
عزيز قوم وصار منهي ومأمور= يعني ظروفه في حياته حّدنه
لن الوفِي دمه بها الوقت مهدور = ونفسه عن دروب الرديه تعّـنه
راع الوفا بالنايفه يشعل النور = ويثبت فعايل خازمين الاعنه
عند الشدايد فعل الاحرار مخبور = مافيه لا شكٍ ولا فيه مّنه
والا الردي في كل الاحوال مثبور = لا يخدّعك عند الرخا ضحك سْنه

لا باس ياروحٍ شكت ماوطاها = ولا باس ياعــيــنٍ تزايد غرقها
هلت دموع الصد لامنتهاها = سبة وليفه يوم قلبه عشقها
لو أن نفس الشخص تلحق مُناها = ماكان هاجوس الضماير حرقها
ياصاحبي وانكان عـكــّر سماها = وشمسه من الهجران غــّيب شفقها
جـنــّب طريق الغادره لو غلاها = يْصِحّـيـك من غالي منامك وفقها
والجربا اللي حان موعد أطلاّها = لو تنطلي عرق الجرب ماعتقها
ماحركت شم الرواسي هواها = والمعجزه حـنـا لهـا ونعشّقها
والتايه اللي صيدته مالقاها = فرقاه قبل الشمس يبدي شعقها
سقت الهدايا من المهار ونساها = ملك المشاعر بالفكر ماسرقها
بعض العرب تطرف عيونه يّداها = يقوله اللي كل سكه طرقها
لو طالت السكه وراها وراها = والناس عـــز أنفوسها من عرقها
كم لحـيـتـن تدفع ضريبة غـباها = وكم بندقن ماثار منها طلقها
وكم شامخه هــزت أرجـال بحلاها = أنفاسها ريح الخزامى عبقها
يفداك نبض أعـماقها من غلاها = حرفٍ عّشق رؤس الطوال وسلقها
خسران دوار المكاسب معاها = مدام رأس المال خِــرم حلقها
من دار خملأت الرفاقه لقاها = ومن صاد له صيده تـيـّدم مرقها
الصدق ضاع مْـن البشر وش بلاها = يهــد صدر السالفه من شنقها
ناسً تــذيــّـر من خلاها بخلاها = ماتسمع الا شهقته لا شهقها
وكان المعاني ماوصل مستواها = ينهج يــدوّر ملةٍ يعـتــنــقـهـا

.
.

عند الشدايـد فعـل الاحـرار مخبـور مافـيـه لا شــكٍ ولا فـيـه مّـنــه والا الردي فـي كـل الاحـوال مثبـور لا يخدّعك عنـد الرخـا ضحـك سْنـه

والتايه اللـي صيدتـه مالقاهـا فرقاه قبل الشمس يبدي شعقهـا سقت الهدايا من المهار ونساهـا ملك المشاعر بالفكـر ماسرقهـا بعض العرب تطرف عيونه يّداها يقوله اللـي كـل سكـه طرقهـا لو طالت السكـه وراهـا وراهـا والناس عز أنفوسها من عرقهـا كم لحيتن تدفع ضريبـة غباهـا وكم بندقن ماثـار منهـا طلقهـا

مابين حظ وبين قسمه وميلاد = أرقى لمن مولد حياتي رقابه
أبني مسافه من أجل بعُد يزداد = من مرحبا لأهلين قوس وربابه
ماراح راح وراعي النقص مازاد = غير الملآم وكل ضيق وكآبه
واللي لهم في خاطري كسر وأقياد = غابوا وأنا كلي شموخ ومهابه
رغم المواقف والمواصل والابعاد = فيها المراحل والمسيره تشآبه
فات الأوان وكل مالاح ميعاد = للبعد أقرب من خطانا صوابه
يوم أنـتـهيـنا وابتدأ فينا الاجهاد = اللي أرتخا واللي تـفـجـج مصابه
مابين ليل وبين بارق ورعاد = الغيم شكـّـل من وجعنا سحابه
سحابة الدمع المسيّر أذا ناد = طرف الحبيبه طرفي الدمع جابه
بين الورق والحبر ومجاهد أسهاد = حد الصبا عشق الضبا والصبابه
وشلون أسكّت سايل الجفن برقاد = وأنا السهر صدره حضني رحابه
الشعر مافاد المولع ومافاد = ذره بطرف الغالي اللي صحابه
لا غبت ياشعـري ولا فيه نشاد = غـير الحـضور اللي تـزاحـم غـيابه
ماعنك يابوحي من الصدر نقاد = لاصرت أبوه اللي زرعني كتابه
ياحبي اللي يملأ أعروقي أعناد = لاصار في صحراء القصيد الذيابه