|
عـهـــد الـــوفــا
حييت ياللي لك مكانه وتقدير = يالوافي اللي بالوفا ذاع صيته بك من كرم حاتم . بك سطوة الزير = شامخ ومرقاب المراجل رقيته أبشر بعزك بالظروف المعاسير = من صاحبً يفزع ليامن نخيته لاهنت يانسل الرجال المناعير = يالشاعر اللي بالمعاني عنيته يجي ويلقاني لضيـّـقه تباشير = وانا ليا ضاق المدى الرْحب جيته على الوفا ماهي صداقة دنانير = والطيب ساس ومعدن الرجل بيته ياسعود ياسعود السعد جيّتك غير = مقدارها فوق الثريا بنيته عسى فداك اللي جدوده مشاهير = وانا أحسب انه مثلهم لالقيته كنت أتخـّيـل بالسيوف البواتير = صورة مبادي صاحبي لادعيته وكنت أرفعه وأسمع وصاياه واشير = وعليه لاشفت الخطأ مارضيته ودارت دواليب الدهر والمقادير = وصحيت من كابوس ليلً سريته الله واكبر يالنوايا المغاتير = اللي زرعته بالوفا ماجنيته لكن عزايه يالوجيه المسافير = أني على عهد الوفا مانسيته مبداي هو مبداي ماقف وتفكير = طبعً ورثته شمت به وأحتميته مايلحقه من جور الايام تأثير = وان ضاق به صدر الخوي مارثيته . . |
الغالي
الشاعر منصور الرويلي الله انه يسعدك ويوفقك لمافيه الخير اسعدني مروري على متصفحك ومصافحة هذه القصيده الرائعه بما تحمله من مضمون وصح لسانك وعلا شانك مليون ولا يكفون تقبل تحياتي |
الشاعر القدير
منصور الرويلي صح لسانك ولاهنت تقديري لك |
على الوفا ماهي صداقة دنانير = والطيب ساس ومعدن الرجل بيته
كنت أتخـّيـل بالسيوف البواتير = صورة مبادي صاحبي لا دعيته وكنت أرفعه وأسمع وصاياه واشير = وعليه لاشفت الخطأ مارضيته منصور انت غير شاعر جزل مبدع لاعدمتك صح لسانك تحياتي |
الغالي سفير المعاني . لحضورك بريقه .. تعلم ذلك .. فقد أكسبت قصيدتي بعضاً من هذا البريق لك منه أروعه .. لك منه أجمله .. لك منه أصدقه أيها الشامخ .. لا عدمت وجودك الراقي |
سـّود الله وجـه الــردي يـا خـوي=وبـيّـض الله وجـهـك كـثـر مانـتـه عظـيـم
مــن كـثــر ماشـربـتـك مابـغـيـت أرتـــوي=ويـش أســوي بطيـبـك يالـجـواد الكـريـم بـيّــض الله وجـهــك عـنــد كــــل بــــدوي=ويجعلـك عنـد كـل النـاس رجــلً حشـيـم ياالخوي . الخوي . المستحيل . السوي=وأنـــت كـلــك مـحــالن لاعّـرفــك الفـهـيـم أعـذر الصـادق الـلـي لاألـتـوى لــك لّــوي=لويت اللي شكى سهـم الحيـاة السقيـم ذا هـو الوقـت كـم مـرة طوانـي طــوي=ولا ذكـرت الــذي شــرواك فـيـه أستقـيـم يــاصــدوقً أذا ذيــــب الـضـلــوع يــعّــوي=ماأختبى عن أصياحة مثـل بعـض الحريـم أنــت عـزمـك قــوي والله عـزمــك قـــوي=وأنـــــا والله قـــــويً بــاالالـــة الـعـظـيــم وسـوّد الله وجـه الــردي يـاخـوي=وبـيّـض الله وجـهـك كـثـر مانـتـه عظـيـم ــ ــ |
عبير الروح
الاروع حضورك الراقي تحياتي |
الشــاعر منصـور الرويـلـي ممتع ومبدع .. وقصيده لاتستحق الردود بقـدر ما تستحق الوروووود .. يسلم بوووووحك |
الفلاحي
تسلم على الاشاده يالغالي ودي وتقديري .. |
|
| الساعة الآن 04:57PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية