تكفى ترى ماقلتها قبل هاليوم=من خلقتي ماقلت تكفى لرجال
ولا عمري أنخى من الشغاميم شغموم=حتى لو أنه حدني أشهب اللال
مانخى ولكن لا نخاني من القوم=له أنتخي لو حالتي حالها حال
أقوم والا علني يوم ماأقوم =أسوق له وجهي وكفي وماطال
واليوم شفني قلتها ماهي علوم=ناديت باعلى الصوت ياذرب الافعال
أقولها وأنا من الوقت مزحوم=للوقت ميله .. وللمواقيف رجال
ماقلتها ياكود ضايق ومظلوم=وانت الشجاع معّرب الجد والخال
كنك (صلاح الدين) بمواجه الروم = لك هيبةٍ تكسر ثمانين خيّال
لك وقفةٍ يفخر بها كل زيزوم = ولك جاه يرقابك على نايف الجال
دامك من اللي باللقاء ينطح القوم=لا عِمّيت الابصار والحرب سّجال
من ساس وايل ملتجأ كل مضيوم=وقفاتهم عند العرب مضرب أمثال
اللابة اللي مجدها دايم الدوم = تاريخها تفخر به أجيال وأجيال
يوم الرجال أقوال وأفعال وسلوم = تاقف لاسم وايل صناديد وأبطال
ولاني بمن يشفق على السب واللوم=قضاب ميلة صاحبه كل مامال
والعبد ماصابه من الرب مقسوم=ولا تزعل القسمه طويلين الامال
تكفى ترى ماقلتها مثل هاليوم=من خلقتي ماقلت تكفى لرجال

المشاركة الأصلية كتبت بواسطة منصور الرويلي (المشاركة 338824) تكفى ترى ماقلتها قبل هاليوم=من خلقتي ماقلت تكفى لرجال ولا عمري أنخى من الشغاميم شغموم=حتى لو أنه حدني أشهب اللال مانخى ولكن لا نخاني من القوم=له أنتخي لو حالتي حالها حال أقوم والا علني يوم ماأقوم =أسوق له وجهي وكفي وماطال واليوم شفني قلتها ماهي علوم=ناديت باعلى الصوت ياذرب الافعال أقولها وأنا من الوقت مزحوم=للوقت ميله .. وللمواقيف رجال ماقلتها ياكود ضايق ومظلوم=وانت الشجاع معّرب الجد والخال كنك (صلاح الدين) بمواجه الروم = لك هيبةٍ تكسر ثمانين خيّال لك وقفةٍ يفخر بها كل زيزوم = ولك جاه يرقابك على نايف الجال دامك من اللي باللقاء ينطح القوم=لا عِمّيت الابصار والحرب سّجال من ساس وايل ملتجأ كل مضيوم=وقفاتهم عند العرب مضرب أمثال اللابة اللي مجدها دايم الدوم = تاريخها تفخر به أجيال وأجيال يوم الرجال أقوال وأفعال وسلوم = تاقف لاسم وايل صناديد وأبطال ولاني بمن يشفق على السب واللوم=قضاب ميلة صاحبه كل مامال والعبد ماصابه من الرب مقسوم=ولا تزعل القسمه طويلين الامال تكفى ترى ماقلتها مثل هاليوم=من خلقتي ماقلت تكفى لرجال " "[/center]