|
سحابة السفر
مرّت بنا ايام وشهوروسنين = هي وردتي وانا سياجٍ حَماها في عشّنا عن الهوى مستكنّين=لين المخيله جات تتبع هواها قالوا:تولّم للسفربعديومين=وجات الاوامروالتذاكرحداها وليل السفر ذكرت كل العناوين =وابدَت تفاصيلٍ تبيّن حلاها وسريت اقبّل روس جهّال ممسين=واخلق للحظات الموادع هناها مااحب اشوف الحزن بعيون غالين=اللي صوَرهم زايده فى بهاها واصبحت اناظرشنطتي بيننابين =ماهمني وش جهّزوامحتواها وصفّواواحاطوني من اشمال ويمين=بكلمات والدمعات فى منتهاها وانااستعدّيت ودنت لحظة البين=واقول ياربي تساعد علاها وحاراللسان وعبّرت نظرة العين=وغيوم نفسي ضاق منها فضاها طِلعَتْ.." ف امان الله".. فى التوّ والحين=ومشيت .. لا.. ماقلت.. كلمه.. وراها لكنهم عن كل الاسباب دارين = وتسامت الافكار فى مستواها ماني من اللي عن ذرى المجد لاهين= امشي عدل والنفس مااتبع هواها اراقب الله دوم واقوّم الدِّين=و مرضاة ربّي قبل شيٍّ سواها وما دام لي ربٍّ على الشِّدّه يعين=عونات غيره شِمت عنها مااباها واعَرْف كل الناس شاقين باقين=ويحمد صباحات الدجى من سَراها |
الله الله الله عليك يالغواص حاولت اقتبس بيت واحد لقيت نفسي لازم اقتبس القصيده كامله اعجبتني القصيده كامله ولكن اعجبني بيت وكان هذه اللحظه مرت علي في يوم من الايام مااحب اشوف الحزن بعيـون غاليـن اللـي صوَرهـم زايـده فـى بهاهـا صـــــــــــــــــــــــــــــــــــح الله لسانك اخوي الغواص تقبل مروري |
تروح وترجع بالسلامة
يالغواص وصح لسانك مدد بلا عدد تقديري واحترامي |
الله عليك
الغواص نص رااائع بتسلسل حزين صح السانكـ وسلمت اناملكـ شاعرنا تحياتي لشخصكـ |
اقتباس:
اعجابك وامثالك من شعرائنا علامة نجاح بالنسبه لي ،ولايزال الغواص يرقب عاسف المهار ليرى لاهنت على تصفحك لهذاالنص المتواضع . اخوك الغواص |
الغواص
صح السانك وفعلا انت غواص ماتجيب من الدرر الا النفيس الغالي صح السانك مددا بلا عدد |
اقتباس:
الله يسلمك ويجزيك كل خيرعلى دعوتك اقف احتراما حينما يمر م ب ع ث ر لاني اعرف من هو اخوك الغواص |
اقتباس:
عندماغُصتُ هذه المرّه وجدتُ خلف قدفاز بأجود اللآلئ فقلت "هنيئاً له كم سررت لتواجدك اخوك الغواص |
اقتباس:
التفاتةُ نهرهادر لجدولي الذي بالكاد يسقى شجيرات في بداية نموّها لك الشكروالتقديرمضاعفاً اخوك الغواص |
الغالي الشاعر الغواص الله انه يسعدك ويوفقك بجميع اوقاتك بكل خير ولقد اسعدني ان اكون من ضمن المصافحين لهذه القصيده الرائعه بما تحمله من معنى ومضمون وشعر انت شاعر متمكن في اي اتجاه الله يخليك لهم امين وصح لسانك وعلا شانك مليون ولايكفون وتقبل تحياتي |
| الساعة الآن 09:11AM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية