(( الشيب ))
الشيـب لاح ولا تحقـق منـايـا=والعمـر روّح والغيـا مابعـد راح والقلب يعشق دون شور ووصايـا=يتوق لامن شاف برق الهـوى لاح له لجـةٍ بيـن الضلـوع الحنايـا=واتعب رجولي بين مسرى ومسراح متعب اركابه في الـدروب التهايا=ويسبح فبحر مانجى منـه سبـاح بحر الهوي اللي مال جاله نهايـا=كم واحد في غبتـه ياسعـد طـاح قد طاح قبلـي متعبيـن المطايـا=مثل (العواجي) و(السديري) و(صيـاح) حب البنـات المترفـات الصبايـا=ان اشهد انـه للرجاجيـل ذبـاح يآسم على قلـب المولـع كوايـا=ويصير قلبـه للمواليـف ملـواح بس الحقيقـه دون سـر وخفايـا=ان كان تبغى زبدة الهرج ياصـاح من لا يحـب المترفـات الصبايـا=ان اشهد انه ماتهنـى ولا ارتـاح |
الله الله الله صح لسانك عاسف مهار بـحـر الـهـوي الـلـي مــال جـالـه نـهـايـا كـــم واحـــد فـــي غـبـتـه يـاسـعـد طــــاح قــــد طــــاح قـبـلــي متـعـبـيـن الـمـطـايــا مثل (العواجي) و(السديري) و(صياح) انشهد ......... دام نبضك تشرفت بالمرور نحياتي رهب |
صح لسانك أبيات راااائعه وأكثر تحياتي لك |
صح اللسانك ملايين
وصدقت في كل كلمة قلتها |
عاسف المهار
مثل النسمه الخفيفه استقبلت ابياتك يقول احد شعراء الجنوب "لكن بالله كفايه مابدا منك ياشيب .. ماودي الناس جهّالٍ وحناشيابه" كثيرمن الناس يقيسون اعمارهم بمجس الروح لابعددالسنين وانت بلاشك تدفعنالذات المنهج صح السانك وبيض الله وجهك قصيده تختال لفظاًومعنى. تحياتي اخوك الغواص |
الله الله
صح لسآنكـ مليوون على هذه الابيات المبهرة لاهنت :r: |
الله واكبر عاسف المهار
ماشالله عليك اخوي اسعدني مرور متصفحك صح السانك لاعدمتك |
الغالي
الشاعر عاسف المهار الله انه يسعدك ويوفقك بجميع الاوقات بالخير اسعدني مروري وان اكون من ضمن المصافحين لقصيدتك الاجمل من جميله واروع من رائعه والله ما قصرت قصدت بمن يستحق وابدعت وصح لسانك وعلا شانك مليون ولا يكفون وتقبل تحياتي |
صح لسانك |
عاسف حضور رائع سلمت عليه اخوي
وصح الساانك على هالشامخه ولاهنت تقبل مروري المتواضع امام روعة حضورك هنااا شا ا ا عر ربعه |
الساعة الآن 08:15AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية