|
((حـــــــواء))
حبيبي خطاك اليوم ماتقبله الاعذار= دخيلك تغيّر سيرة العذر والتوبه جروح البشر تِنّسى وجرحك بقى تذكار=تمر السنين وضحكة القلب مسلوبه وانا لابغيت انسى واسامح على ماصار=جروحك بقت في دفتر القلب مكتوبه جرحت الخفوق وطير حبك كفخ ثم طار=وجرحت المشاعر لين صارت بغيبوبه ولو تلبس من العذر بشت وعليه خمار=يضل الخطاء واضح ولا يستره ثوبه انا شف بالي دلةٍ بهرت ببهار=وانا اللي مسويها على نار مشبوبه ماهي دلة (المقهى) لكل البشر تندار=غدت من خمايمة المخاليق مشروبه ادور على الدرّه ولو طوّل المشوار=ادوس الخطر ماهاب لو طالت دروبه انا عزتي تبقى ((يزين)) الزمان أو ((جار))=أدوس المشاعر لو لحق عزتي نوبه وانا من ورى( حوا) ماحاول أدور ثار=ما احاسب قليل العقل والدين بذنوبه |
عاسف المهار
رائعه من رائع صح لسانك تحياتي . |
عاسف المهار
صح السانك مبدع يالغالي تحياتي لك وتقديري |
صح لسانك عساك
|
صح لسانك
ولاهنت تقديري لك |
الله يديم عزك أخي الكريم سبك وحبك
وتركيب شاعر فذ لك مني أفضل تحيه على هذهـ الأبيات العطرهـ وصح اللسانك أخوك // |
الغالي
الشاعر عاسف المهار الله انه يسعدك ويوفقك لكل ما فيه الخير ولقد اسعدني ان اكون من ضمن المصافحين لهذه القصيده والاروع من رائعه والاجمل من جميلة وصح لسانك وعلا شانك مليون ولايكفون وتقبل تحياتي |
ادور عــلــى الــــدرّه ولـــــو طـــــوّل الـمــشــوار.....ادوس الـخـطـر مـاهــاب لـــو طـالــت دروبـــه
رائعه من الروائع نجحت فى عسفها لنطرب بتصفحها تحياتي اخوك الغواص |
عاسف اهلاوسهلا .. واسعد الله روحك نص ينبض ب الشعر .. والشموخ .. والحكمه .. انسيابي الطرح .. عذب المفرده ..مشبع ب الأحساس تحياتي .. ودمت بخير |
اقتباس:
صح الله بدنك اخوي عقاب والرائع هو مرورك الكريم على متصفحي ولاهنت ياعقاب على مرورك تحياتي |
| الساعة الآن 04:41AM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية