في مامضى قد كان الاصلاح موجود=واصلاح هذا الوقت يالله صلاحـه
قلته وخلق الله على قولـي شهـود=الزيف مايلغـي وجـود الصراحـه
الشر لـه تمديـد والخيـر مجحـود=من هيئة الافتى صـدر لـه اباحـه
عد الروى ماعاد يـارد لـه ورود=ماه اختلط ملـح ٍ وغيـر قراحـه
عافوا وقفوا والرجاء فيـه مفقـود=وانهار طيه طاحتـن عقـب طاحـه
الزود مامن زود والنقص فـي زود=وكل ٍ على الدنيا توشـح وشاحـه
اخلاق هدامه لها احزاب وحشـود=تحت مظلة مشها بـ( السماحـه )
من شان هدم الدين صاروا له جنود=اسلاح بارد بئس منهـم اسلاحـه
اهم شي يكـون للفـرد مـردود=شهره ومال وتطلبه كـل ساحـه
اية قيـم وايـة مبـادي ومنقـود=تـردع هبيـل ٍ مابعقلـه رجاحـه
فعل الفضيله يحتوي شـرط وبنـود=ومع اكتمال العلم تصبـح سماحـه
والعلمنه فكـة مسـارات وقيـود=للانحـلال اتظـم راحـه براحـه
باسم الرقي ماهيب راقيتن اسنـود=وشعارهم فسخ ( الحياء والاباحه )
ماعاد تحكمهم مساحات وحـدود=زيـادة الرقعـه تزيـد المسـاحـه
يبون طير الفسـق لاهبـت النـود=تسطي مقاضيبه ويكفـخ جناحـه