|
تعبت أشيلك في مطارات الزمن شنطة سفر....
: : اليوم انا محتاج لك كثـر احتياجـي للصبـر كثير احتياجي للفرح بعـد ولانفاسـي معـاه كثر الوجع كثر الحزن كثر الالم كثـر .. كثـر احتاج لك واعرف : مااحد يحتاج فالعمر لشقاه شهر على غيبتك مر , وغيبتك عيّـت تمـر شهر .. وانا مدري انتمي للموت , والا للحياه وحيد .. مدري وش ورى هالوحده لروحي قدر بعيد .. مدري للفرح هالبعـد هـذا وش وراه انساك في لحظة ( غبا ) واطيح من عين العمر وأحس بك حلمٍ كل ما أقترب مـن التحقيـق تـاه تعبت اشيلك في مطارات الزمن ( شنطة سفر ) واضيع في زحمة دروب البعد .. والقاك اتجاه عطيت للنسيان فرصه ياخـذك منـي غـدر ولا عطيت عاشقك فرصه يودع بـك غـلاه وجهك يمرّه في زحمة البـاااال بوجيـه البشـر وتاقف عليه الذاكره ويصيح: قلبي من خـذاه ؟ ماخلت رياح الغياب بقلـب محبوبـك شجـر نسيانه يراوده عـن حبـك ولكـن مانسـاه ماكان مختارك زمن يمضي , ولانـزوه تمـر اختارك العمر الذي كل ماكبـر يكبـر معـاه يدري رجوعك مستحيل , وصعب .. لكن ينتظر مثل انتظار المغترب للموطـن اللـي مالقـاه اللي يحبك كان يبحث لـك ورى بعـدك عـذر واليوم يبحث عن عذر للمقبل اللي فيـك تـاه خلاك للـدرب الطويـل , ولليالـي , والقـدر كنت بعينه دمعه الغالي .. وودعك .. وبكـاه " " منقول //ل الشاعر محمد الوسمي |
دام لنا رقي هذا الحرف البهي جمال تناثر بروعة الحرف الكبير العِطر هنا نثر بسخاء لا أخفيكِ بأني قرأت أكثر من مره وفي كل مره يخونني إحساسي في كتابة الرد أخاف يكون ردي ما وافق إحساسك بما سطرتيه هنا من كلمات رائعه فإخترت المرور بصمت لتحيتكِ وتحيه لإختيارك وفكرك الراقي تقبلي مروري مثل ما جاء |
شهر على غيبتك مر , وغيبتك عيّـت تمـر
شهر .. وانا مدري انتمي للموت , والا للحياه وحيد .. مدري وش ورى هالوحده لروحي قدر بعيد .. مدري للفرح هالبعـد هـذا وش وراه نوف عبد الله ياهلا بك ومرحبا ومشكوره على النقل والله يعطيك العافيه |
نوف بنت عبدالله
مبدعه في النقل مشاعر الغياب مؤلمة جدا" كوني بخير دائما" |
الاخت العزيزه نوف اسعد الله اوقاتك بكل خير شكرا على النقل المميز دمتم بكل ود تحياتي اخوكم مارد عبقر |
نوف بنت عبدالله
سلمت اناملك على الاحساس الراقي والنقل الرائع وصح بوح الشاعر مااصعب الغياب الحبيب دمتي برعاية الله |
| الساعة الآن 02:59PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية