اهدا الى روح المرحوم الامير محمد الاحمد السديري والى الاميرة ريما
الى روح الامير والى الاميرة رهب اهدي القصيدة واشير الى انا الاميرة كانت ومازالت وراء دعم الابداع الشعري وقد تشرفت بالمشاركة في مسابقة تبنتهاء الاميرة وهي مسابقة الامير محمد الاحمد السديري وكان موضوع المسابقة في وقتها عن الارهاب وكلمة حق تقال بان الاميرة اول امراءه حاربت الارهاب في بداية ظهوره في مجتمعنا ولها مني الامتنان وعرفانن مني اهدي القصيدة
اميرة (ن) ياناس والله امـــــــــيرة = وفي كل شي (ن) زايدة زايد الـــزود على بني حــواء تــراها مــــــديره = شيهانه (ن) ماجات بالفعل منـــــقود اخت الرجال مطوعين العســــيره = الي لهم في صفحة المجد عامــــــود من يعمل الحسان ريـح ضمــــيرة = وفعل الحساني يمنحه جايد الجــــود يابنت من يكرم رجال وعشـــيره = يذري ذراه اكبار واصغار وحشود محمــد الاحــمد ابــو الامــــــــيرة = يعل قبره روضه مالها حـــــــــدود لا قال قول (ن) مايبدل بغيــــــره = كنك على ماقال واعد وموعـــــــود شيخ(ن) بناء بالمجد عزاً وسيره = ابوزيد مامثله يجي بعد مولــــــــود ساس(ن)على ساسً علومه وثيره = عد(ن) على عد(ن) تسقا به عـدود كبيره(ن) والله علـــــينا كبــــــيره = من فقدكم يامير والقلب مـلـــــــهود مني لكم يامـــير وارداً وعبــــــيره = وبين المقابر ياقبر حضك ســعود ياشيــمة الابطـــــال في كل ديره = تذكري بوزيد لا هبت النــــــــــود برجع لكم يابنت صافي الســريره = ويستر حالك بالهنا دايم الــــــــدوم ياعل بالرجوى وعينن قــــــريره = بنواف واخوانه لك الحبل ممـــدود نواف يانواف خيراً وخــــــــــيره = ياعلها لك دايمن زايد بــــــــــزود يارب عبدك راجي انك تجـــــيره = وان تبعده عن كل شيطان منكــود يامن بحكمك كل شي تــــــــــديره = يامنزل عما تبارك مع هــــــــود ياجاير منهو يجي يستجــــــــــيره = رحماك ثم رحماك يامحيي العــود وصلات ربي عد وبل مطـــــيره = ينهل هتـــانه بعد هــــزة رعــــود |
اقتباس:
الغالي الشاعر التاااايف والله انه يسعدك ويوفقك لمافيه الخير اولا حياك الله يالنايف في منتدك واشكرك على حضورك ومصافحتك بهذه المقدمه المنقوصه حيث ذكرت انك شاركت ولم تذكر انك من ضمن الفائزين بالجائزه وهذا تواضع منك بينما فوزك كان مستحق ثانيا اسعدني مصافحتي لهذه القصيده المهداة لروح المغفور له بأذن الله محمد الاحمد السديري والموجهة للاميره ابنته ريما محمد السديري وقد اعجبتني القصيده من اول بيت الى اخر بيت حيث انك صورة الحقيقه المستحقه للامير وابنته ام نواف وكذلك احفاده من الاميره وعلى راسهم نواف القصيده رائعه وجميله من شاعر متمكن وليس ذلك بغريب وصح لسانك وعلا شانك مليون ولا يكفون تقبل تحياتي |
بسم الله الرحمن الرحيم اخي الكبير سفير المعاني الحلوة وسفير النوايا الحسنة اللة يطول عمرك ونا من الناس الي يدين لك بالمعروف مرورك وسااام علي جبين قصائدي واطرئك علي من باب حبك لي وربي يقدرني علي رد المعروف ومن ناحية القصيدة تستاهل روح الامير والاميرة ونواف واخوانة ومن علي شاكلتهم من الاعلام اشكرك علي ما منى بة قلمك من اطراا ومديح علي وهذا ليس بغريب عليك حيث انة ليس بغريب الطيب من اهل الطيب تقبل تحياتي واشواقي الحاااارة_______
|
صح لسانك
ورحم الله الامير وغفر لنا وله ولوالدي ولجميع المسلمين وكفوووو تستاهل رهب اجمل اهداء فهي نعم المراءه وشاعره تستحق كل جميل بيض الله وجهك ولاهنت تقديري عبير الروح |
اميـرة (ن) يانـاس والله اميـرة
وفي كل شي (ن) زايدة زايد الزود على بني حـواء تراهـا مديـره شيهانه (ن) ماجات بالفعل منقـود صح لسانك النايف .. تستاهل الغاليــه رهب ورحمة الله على والدنا الراحل الامير محمد وعلى جميع موتانا وموتى المسلمين .. تقبل مروري نور الشمس |
صح لسانك وعلا شانك
تستاهل الغاليه أم نواف كل خير والله يرحم الامير محمد ويغفر له وجميع اموات المسلمين لاخلا ولاعدم .. لاهنت:) |
بسم الله الرحمن الرحيم اختي عبير الروح شكرا علي المرور ووجهك ابيض
|
بسم الله الرحمن الرحيم شكرا لمرورك اختي تفاصيل الخجل
|
بسم الله الرحمن الرحيم هلابك اختي نور الشمس اشكر لك مرورك
|
النايف اشكرك على هذه النايفه صح السانك وبيض الله وجهك اخوي كتبت فاجدت في صاحب سمو الشعر والحرف الفريد مدحت بحق السما من يستحق المدحه ومن هو اهل له فطاوعك الحرف العنيد الاميره رهب تستاهل وانت اهل لها صح بوحك فكن بخير |
الساعة الآن 12:36AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية