السلام عليكم ورحمة الله وبركاته
يسعد مساءكم بكل خير
يسرني الانضمام الى هذا الصرح الشامخ جداً
واتركها هنا بين يديكم لــ/ترتقي بكم

مدخل
كتبت لك في صفحة البعد تذكار
.... عنوانها اجهل معاني خطايا
اشوف ظلم الغير واصبر ومحتار
.... واروي واحاتي وانتهي فالبدايه

نفس الخطايا والوجيه أتشابه = عابر سبيل ولاتعلم : من الجوع
ونفس السؤال ولا لقيت الاجابه = تعبت ادور للوفا حق مشروع
ياكثرهم حولي : عيون الغلابه = والحين انا في عينهم صوت مسموع
يالي غيابه مايبرر عذابه = حبل الاماني شلون قد صار مقطوع
خنجر غيابك في ضلوعي غرابه = وألاغرب ان الشوق في شوفك أيفوع
قلبي مثل شايب تذكر شبابه = قسى عليه الوقت وسنينه تلوع
أعيش حلم واقع الوقت نابه = ينهش ضلوعي دون رحمه ولا طوع
ذنبي عيوني تعتليبك سحابه = وذنبك عيونك هلت عيوني دموع
عذري خطايا بالعطايا رحابه = وعذرك نهاية حلم بالقلب مطبوع
يالي زرعتك ورد واصبحت غابه = وشلون تثمر شوك والورد مزروع

0
0
0
الشاعر ..سعود الصعيري..