لو سألتي عن سبب طعنات قلبي مع شقايه=كان سهلًت الجواب وقلت لك باسبابك انتي
ولو سألتي عن طعونك كم عددها في حشايه= كان قلت الك الطعون كثار .. زادت يوم منتي
لو سألتي عن رياح الغيم والشوق بسمايه=كان بينًت الجواب وكان واضح لو فطنتي
ولو سألتي عن جنون العشق وفصول الروايه=كان قلت الك الروايه يوم بعماقي سكنتي
واحتلال الخافق اللي صار حبك به ولايه=من ولايات الخيال اللي بها عشقي رهنتي
لو سألتي لحظة الغزو الجنوني في البدايه=كيف كانت ؟ والحصون اللي دمرتي واستهنتي
واستبحتي قلب عاشق ! واحتفلتي بالجنايه=والجنايه في خفوقي ليه خفاقي سجنتي
لو سألتي عن جمالك قلت لك طاغي وآيه=خالقك سبحانه اللي صورك حتى فتنتي
لو سألتي بلسم الجرح العطيب وعن دوايه=قلت قربك هو دواء كل الجروح اللي طعنتي
لكن انك تساليني عن تفاصيل ونهايه !=والفشل واحساسه اللي داخلك حتى ظننتي
الظنون آثااام ! وانتي دائمآ ظنك خطايه=وانتي انتي تعرفين الخافق اللي به مكنتي
والله انه ماتساوي مدة يدينك عطايه=كل مامديت كفي واعتلى مدي طمنتي !
انتهينا .. وانتهى الفصل الاخير من الحكايه= وانجلى زيف المشاعر والهوى بيدك دفنتي

المشاركة الأصلية كتبت بواسطة سفير المعاني (المشاركة 312133) الغالي الشاعر فهد الفريدي الله انه يسعدك بجميع الاوقات بكل خير اسعدني ان اكون من اول المصافحين لهذه القصيده الرائعه المليئه بالصور الشعريه المميزه وصح لسانك وعلا شانك مليون ولا يكفون تقبل تحياتي