كل عام والجميع بخير اعضاء هذا الصرح النير

اليكم من جديدي ابيات مجاراه للامير عبدالعزيز بن سعود ضمن مسابقته التي اطلقها تحت عنوان ابوهلا

لعلها تشفع لي عن قلة التواصل وتبقون في القلب ولوغبنا
ابيات السامر

االله يجيـرك يـاذرا كـل خايـف=في ساعةٍ ينشف بها الحلق والريق
الله يجيرك ياعديم الوصايف=جاهك ومالك مرتع للمطاليق
مجار ياستر المهار العفايف=بالعز تفتح مبهمات المغاليق
امجار ياللي بالمواجيب رايف=تحبها حب الوحش للشواهيق
يابوهلا عندك كبار الحسايف=تقضا وتعتقها من الهم والضيق
يابوهلا منجا الدريك المهايف=ياهادي الغادي لسهل الطواريق
يابوهلا في خلق سبع الطوايف=ماوثقوا بالطيب غير انت توثيق
للمرجله والطيب عندك وضايف=مكارم تبذل لهم دون تحقيق

االله يجيـرك يـاذرا كـل خايـف=في ساعةٍ ينشف بها الحلق والريق
امجار ياللـي ماكـرك بالنوايـف=يانادرٍ لك في سما الطيب تحليـق
شخصك وفعل الطيب دايم ولايـف=ياكثر مع جاهك من المال ماسيـق
تنفق يمينـك ماتحسـب الكلايـف=تعطي بلا منّه ومن غيـر تدقيـق
مع وقفتك تغدي الثقايـل خفايـف=تشتالها لو انها اثقل مـن طويـق
يابو هلا سطرت فوق الصحايـف=مجدٍ موثق مادخـل فيـه تلفيـق
ورايك يدل اللي من ارياه عايـف=وبالعز تفضّا محكمات الصناديـق
عساك تبطـي ماحتوتـك الفايـف=وشوفتك حلمي ياعميد الطواريـق

المشاركة الأصلية كتبت بواسطة سفير المعاني (المشاركة 310418) الغالي الشاعر فهيد قعيد الرويس حياك الله في منتداك ونتمنى ان لاتغيب عنا واسعدني ان اكون اول المصافحين لهذه المجارات الممتعه سوى قصيدة الامير او مجارتك لها فقد ابدعت بمجارتك وليس ذلك غريب على شاعر مثلك وصح لسان الامير وصح لسانك قصيدتين رائعتين تقبل تحياتي

المشاركة الأصلية كتبت بواسطة جمرة العرب (المشاركة 310422) كلا القصيدتين رآقت لنا أيها الشاعر الكريم . صح لسانك ولسان من جاريته .. يعطيك العافية بأن سمحت لعشّاق الشعر الإطلاع والإستمتآع بمثل هذه القوافي العذبه تمنياتي لك بالخير .

المشاركة الأصلية كتبت بواسطة خلف العاطفي (المشاركة 310485) فهيد الرويس ياهلا ومرحبا بك وبعودتك صح السانك والسان السامر شعراء بحجمكم لايستغرب عليهم الابداع بالتوفيق يابو مقعد ولا تحرمنا تواصلك وجديدك

المشاركة الأصلية كتبت بواسطة فهيد مقعد الرويس (المشاركة 310415) كل عام والجميع بخير اعضاء هذا الصرح النير اليكم من جديدي ابيات مجاراه للامير عبدالعزيز بن سعود ضمن مسابقته التي اطلقها تحت عنوان ابوهلا لعلها تشفع لي عن قلة التواصل وتبقون في القلب ولوغبنا ابيات السامر االله يجيـرك يـاذرا كـل خايـف=في ساعةٍ ينشف بها الحلق والريق الله يجيرك ياعديم الوصايف=جاهك ومالك مرتع للمطاليق مجار ياستر المهار العفايف=بالعز تفتح مبهمات المغاليق امجار ياللي بالمواجيب رايف=تحبها حب الوحش للشواهيق يابوهلا عندك كبار الحسايف=تقضا وتعتقها من الهم والضيق يابوهلا منجا الدريك المهايف=ياهادي الغادي لسهل الطواريق يابوهلا في خلق سبع الطوايف=ماوثقوا بالطيب غير انت توثيق للمرجله والطيب عندك وضايف=مكارم تبذل لهم دون تحقيق المجاراه االله يجيـرك يـاذرا كـل خايـف=في ساعةٍ ينشف بها الحلق والريق امجار ياللـي ماكـرك بالنوايـف=يانادرٍ لك في سما الطيب تحليـق شخصك وفعل الطيب دايم ولايـف=ياكثر مع جاهك من المال ماسيـق تنفق يمينـك ماتحسـب الكلايـف=تعطي بلا منّه ومن غيـر تدقيـق مع وقفتك تغدي الثقايـل خفايـف=تشتالها لو انها اثقل مـن طويـق يابو هلا سطرت فوق الصحايـف=مجدٍ موثق مادخـل فيـه تلفيـق ورايك يدل اللي من ارياه عايـف=وبالعز تفضّا محكمات الصناديـق عساك تبطـي ماحتوتـك الفايـف=وشوفتك حلمي ياعميد الطواريـق وسلامتكم