يا ألادمي بالعقل ربك مكرمك=وبين لك ادروب الهدى بالشريعه
لك من سجد وبليس عاصي وجارمك=مابين طين ونار صارت نزيعه
وكبر جهل لاصرت تعرف مغارمك=وادم ضحية زلته بالخديعه
جلا جلاله بقدرته كيف حكمك =تسعة شهور ونقلها بك ذريعه
حتى وهي في صرخة الطلق ترسمك=طفل السعد بين الفرج والفجيعه
وقبلت قبل اسمك مع الناس ينهمك=ضيف(ن) على حضن الامومه ربيعه
تسألك تشعربك ترومك وتفهمك=تلزمك وتزمك ولامن جزيعه
وابوك كم رجل(ن) بعرفه توسمك= يركزك قبل أبوك اسمه تذيعه
وخذ قصة اسماعيل بالبر تلهمك=رؤيا منام أبوه لبى يطيعه
وابصر لمن حولك وميزا معالمك=فوق الخريطه لك حدود وطبيعه
هذاك من دونه وهذاك حشمك=وهذاك عود وله مكانه رفيعه
ووصيك لابان الحياء في مواسمك=كن تبي تزرع وتحصد نفيعه
حرث القطاعه بالنسب لايتقاسمك=حذراك تشريبه وحذرا تبيعه
خسران بالدارين بالصهر يلطمك=لك العوض وفجوج ربك وسيعه
عرب سليلك بالرحم لجل يرحمك=أعقل توكل غيبها لك وديعه
منها ولد صالح على كبر يخدمك=لابان في وجه السلامه هزيعه

المشاركة الأصلية كتبت بواسطة سفير المعاني (المشاركة 307808) الغالي الشاعر عادل مطلق الخالد اسعدك الله ووفقك بجميع اوقاتك بكل خير سرني واسعدني ان اكون اول المصافحين لهذه القصيده الرائعه بما تحويه من نصح وتصوير وحكم وصح لسانك وعلا شانك مليون ولا يكفون وتقبل تحياتي

المشاركة الأصلية كتبت بواسطة خلف العاطفي (المشاركة 307815) الشاعر عادل بن مطلق الخالد صح السانك على هذه القصيده والله يجعلنا وياك من البارين ويجعلنا واصلين ويعد عنا القطاعه

المشاركة الأصلية كتبت بواسطة أنا (المشاركة 312359) عادل كل عام وانت بخير نص به قناديل حكمه ..وفوح فكر ..خارطة حياه ..لمن يستوعب النصيحه الخالد كنت هنا ..واستمتعت ..تحياتي