رجعتي من بعد غيبة سنين وبيدك امتعتـك=مواجع تدمي القلب الحزين بياس نظراتـك
رجعتي ذكرياتك تدفعـك بالوجـد نازعتـك=عشان تعلميني كيف مـن بعـدي معاناتـك ؟
نبشتي كل جرح ,ن, بالحشا من يوم ضيعتك=من ايديني قبل لانفترق والبـوح بسكاتـك
انا ماكنت داري في قـرار البعـد لوعتـك=الين اليوم جيتي بالحشـا تدميـن طعناتـك
طلبتك تسمعيني تعرفي مايـوم انـا بعتـك=ولكن القـدر مـن بيننـا بعـد مسافاتـك
صحيح اني قسيت ومن مرار الحزن جرعتك=صحيح اني تجاهلت الحنين وحزن دمعاتـك
وقفنا والغلا من بيننا مجـروح واسمعتـك=عبارات الفراق وكانت استغـراب كلماتـك
لانك تدركيـن انـك بذاتـي يـوم ولعتـك=مثل ماكنت مدرك كيف انا مسكانـي بذاتـك
انا من بعد مابالوجد والحسـرات ودعتـك=مشيت ولامشى قلبي رجع يتبـع لخطواتـك
بقيتي في خيالـي تسكنيـن وحيـل دلعتـك=واعيش بكل لحظات الغلا لاعشت لحظاتـك
بكل اوجيه خلانـي اليـا طالعـت طالعتـك=واليامن شفت دفتر ذكرياتي شفت صفحاتك
ياليت العمر يرجع والسنين انكـان رجعتـك=ياليت اقدر على ذبح الحنين وحلم شوفاتـك
ياليت انك رفضتي اتطاوعيني لين طاوعتك=ولا خطيت في ذاك المسـا لاخـر نهاياتـك