طال الزعل واظلم على دنيتي ليل = والقلب ولهان مضيع دليله
يفداك شعري ومن لها الشعر قد قيل = ابيعها لجل العيون الذهيله
ياخت الرجال الوافيه ياأبنة السيل = انتي بقلبي طول عمري نزيله
هيا ارتوي مني ليالٍ مقابيل = واروي ضما شوقك سنين طويله
قلبي ترى واحتك واضلوعي نخيل = وانا لك ارض مقبره للثقيله
القاك بيت وتنثريني مواويل = انتي شقا عمري وكل الحصيله
كني معك مركب ونظراتك النيل = بالحب واللهفه عيونك تشيله
يكفيك اهديتي حبيبك من الخيل = مهره.. وسيف من السيوف الصقيله
عنواني انتي لا وكل التفاصيل = وانتي خريطة عالمي يالجميله
وانتي سحابه ممطره بالهماليل = تسقي صحاري غربتي كل ليله
انتي مناة القلب يانجمة سهيل = ان ضاع قلبي صار قلبك دليله
وانت الفرح والحزن في غيبتك ويل = وانت الفرس بنت الحصان الاصيله
جفوتك اقوى من السيوف المصاقيل = واقوى على قلبي من الاخذ غيله
قربك تزين السالفه والتعاليل = مع بن خولاني مبهر بهيله
يالنادره من جيل ماهو بذا الجيل = في داخلك طهر وعفاف وفضيله
وحب تعدى فوق كل التماثيل = يا روض بستان تباسق نخيله
وياك اذلل صعب الايام تذليل = وتشيل نفسي حمل ماهي تشيله
زلولك ينير بعالمي كل قنديل = من بعد ما جفت منابع فتيله
اسرجت لك من هاجس الشعر هالخيل = واهديت لك من قاف شعري جميله

الـــقــــاك بـــيــــت وتـنـثـريــنــي مـــواويــــل
انــتــي شــقــا عــمــري وكــــل الحـصـيـلـه

كــنــي مــعــك مــركــب ونـظـراتــك الـنـيــل
بــالــحــب واللهفــــــه عــيــونــك تـشــيــلــه

عبد العزيز الزهراني
الله عليك أبياات رائعه
صح لسانك وعلا شانك
وبأنتظار المزيد
تحياتي لك