شبكة رهب الأدبية-ريما محمد السديري - من صك دونك بآب حذرا تطقــــه !!!!

قصيده لشاعر نخبة منتديات مطير و شاعر الجشوش ( كما يحب محبوه أن يسموه ) الشاعر / مطلق فالح الجش

يازين ياللي فيـك كـل التواصيـف
ياللـي ملكـة الزيـن جلّـه ودقـه
لاتشدد النضره ترى قلبـي سخيـف
يمكن سهوم ٍ مـن عيونـك تشقـه
ضيعت وقتي بين ضحـك وسواليـف
لين الشفـق ماعـاد عينـي تحقـه
اثرك سراب القاع ضهريـة الصيـف
ماتلحقـه لـو طـول وقتـك ترقـه
راع الهوى يلعبه الشـوق والطيـف
يامشعل ٍ جمـر الغضـا فيـه وقـه
قلبه نحـاوي مايحسـب التكاليـف
مثل الكريـم يضيـع الطيـب حقـه
انا رمتني فـي هـواك الصواديـف
مسمار حبـك وسـط قلبـي تدقـه
من حبك آطى الحيف وامشي بلا كيف
عرضتنـي درب العنـا والمشـقـه
غديـت بيـن المقبـلات المناكيـف
لو هو جبل يصبح من الجـور رقـه
ياللي سلاحك سطوة الرمح والسيـف
قتيلـك اللـي مـن شفأيـاك سقـه
ماعاد تنفع فالضـروف المظاريـف
امـا اقتلـه ولا مـع النـاس بقـه
اكتب عليـه انـه شهيـد المواليـف
ولا اعتقـه ولعالـي الرجـم رقـه
ولاتلحق المقفي فـزوع و تحاسيـف
من صك دونك بـاب حـذرا تطقـه