ماهو بكيفك تواصلني وتقطعني =إما غلا بين أو فضها سيره
يا شين لا جيت تقطع لا توادعني=ليتك تحس الوداع شلون تأثيره
يا مآخذ الحب قل فيني وسمعني=حب على كبر صعب أبدل بغيره
أبحتفظ فيك وأدري منت نافعني=يمكن مع الوقت أقول محبتك خيره
والله تدري وش اللي معك دافعني =إني مع إنت أمارس آخر الغيره
وأحب فيك البرود اللي يقاطعني=لو ما تكلمت صمتك صعب تفسيره
ياللي عليك البشر شفها تقاطعني=منين ما أوجه الهقوات لك سيره
يا شينها من الخوي قولته قاطعني = ما غيره شره ولاإنت بشايف خيره
ويا شينها منك لا جيتك توزعني=في عذرك اللي على هالظرف تأجيره
شف كبر صبر البشر ما عاد ياسعني=وأكبر هموم العباد أشوفها صغيره
وش جاك مني خطا يومك تبيعني=في سوق ذقها عليك أسوقها جيره
أنا أذكر إنك إلا من قلت دلعني=القلب هانت علشانك مشاويره
يا مشغل القلب بين تحبني ويعني=شفني عليك أحترق يا سيدي حيره
مرات أقول أتركك لا شك يمنعني =شي يقول إعذره وإقبل معاذيره
قلت أحتفظ فيك وأدري منت نافعني=يمكن مع الوقت أقول محبتك خيره

حكاية غلا..http://www.almusa3ed.com/vb/images/s...ilted_rose.gif
غصة افتقاد..http://www.almusa3ed.com/vb/images/s...ilted_rose.gif
//
ابوخالد شاعر مبدع وناجح
لباس الضوءالله يع‘ـطيك العافيه ي قلبي لاهنتي فديتك :r:

ماهو بكيفك تواصلني وتقطعني
إما غلا بين أو فضها سيره

لباس الضوء
أحييك على هذه الذائقة الرائعة
دمت بود ومحبة :r: