شبكة رهب الأدبية-ريما محمد السديري

قصيدة لشاعر // عطاالله فرحآن ..
اسم القصيدة // حصري ..
-----------------
الصدر ضايق .. و إنت ضيّقـت صـدري ..
و أنا معـك مـن غيـر وجهـه و تحديـد ..

يا كثر ما تجرحنـي .. و يزيـد صبـري ..
كنك تقول : أزيد .. !! و أقول لك : زيـد ..

تقول : يا عمري .. و أقول : إنت عمـري ..
كني وراك أسمـع وش تقـول !! و أعيـد ..

أحيان .. أسولف فيك .. و أحيان .. أهذري ..
كـنـي أســوّي للأحاسـيـس تجـديـد ..

ما راح تلقـى صـدق و إحسـاس كثـري ..
وإن كان منت مصدق .. !! أعطيك تأكيـد ..

غنيت لك .. ( ياللي على البـال تطـري ) ..
وأنـا مـن يديـن الصبـر .. للمواعـيـد ..

و رجعت أغني فيك .. ( ما عاد بـدري ) ..
لـو وقّفـت دونـك سلـوم .. و تقالـيـد ..

أشفق على صوتك مع الليـل .. و أسـري ..
حتـى وأنـا جالـس بوسـط الأجـاويـد ..

أقسم قسم .. ( غزيتني ) .. غـزو فكـري ..
و أصبحت تحكمنـي و أنـا مقـدر أحيـد ..

مو بس ( أحبك ) .. !! إلاّ سلمتك أمـري ..
ناقـص تجـي و تحـط بيدينـي القيـد .. !!

صرت أتمنـى .. بـس يعجبـك شعـري ..
حتى لو إنه ما عجـب ( زيـد و عبيـد ) ..

من وين أببدا فيك ..!! و الوصـف يغـري ..
.. نـور الليالـي .. و إحتفاليـة العـيـد ..

تلعب دلع .. و إنت الدلع فيـك (فطـري ) ..
إي والله إلعـب فيهـم و كيـدهـم كـيـد ..

عندك خبر .. صوتك رومنسي و سحري .. !!
و إحساسك ( أصلي ) ما معك شي تقليد .. !!

و زينك على بعضه مميز و ( حصـري ) ..
إعجاز .. بس إعجـاز مـن غيـر تعقيـد ..

شعَرك .. و إلا عيونك .. أو عاد تدري .. !!
مــا ودي أفـتّـح عـيـون المقـاريـد ..

تقبّل .. إحساسي .. و حبي .. و شكـري ..
حتـى لـو إنـي مـا قطفـت العناقـيـد ..

و سلّم على قلبك .. تـرا الحـب عـذري ..
و دوبـك علـى قلبـي .. فدتـك التناهيـد ..

إمّا تشـوف لـوضعنـا حـل جـذري .. !!
و إلاّ بلاش نحـب .. و نعيـد .. و نزيـد ..