|
كلن يعود لــ أصل جده ومرباه
[youtube]http://www.youtube.com/watch?v=pYGu6-223kA&feature=related[/youtube]
|
.كلٍ يعـوّد لاصـل جـدّه ومربـاه
راعي الشرف يشرف والانذال يهبون ..الفْرع من عوده شرابـه ومسقـاه والحنظلة مرّه ولو تشـرب مـزون ..الطّيـب كايـد والمناعيـر تقـواه والهون هيّن تدنع النفـس وتهـون ..ناسٍ على كسب المراجل مضـرّاه وناسٍ على كسب الفشيلة يضـرّون ..هذا على وضح النقا كـل ممشـاه وهذا الـى شافـوه ربعـه يصـدون ..لا تامن الخوّان لو زخـرف حكـاه من خان بك مرّه يبي باكـر يخـون ..وافطن ترى زول الرّجاجيل تـوّاه كم واحدٍ يعجبـك زولـه وهـو دون ..يا طيّب الشارات من يـوم منشـاه احذر عدوّك لايغـدرك علـى هـون ..ترى عدوك غايتـه فيـك ومنـاه يزرع بصدرك من قنا رمحه طعـون ..والّلي رضع لبـوة عـدوّك توقّـاه الجرو ولـد اللبـوة الّلـي تعرفـون ..للطّير يالصقّـار بالرّيـش مغـواه الجاهل الّلي باكثر الريـش مفتـون ..للحُـر والشبـوط ماكـر ومجنـاه والفرق بالافعال لـو هُـم يطيـرون الشاعر المتئلق دائما الاميرخالد الفيصل |
ناسً على كسب المراجل مضراه
وناسً على كسب الفشيله يضرون صح لسان شاعرها وصح اختيارك لينا واهنيك على الذوق الرفيع طال عمرك تقبلي مروري تحياتي |
..ناسٍ على كسب المراجل مضـرّاه وناسٍ على كسب الفشيلة يضـرّون وهو صادق الامير بقوله. الغالية لينااا وهل هناك أروع من هذه القصيدة للرائع الامير خالد الفيصل دمت بمحبة |
اقتباس:
الغناوي والله الذوق مرورك يعطيك العافيه |
..ترى عدوك غايتـه فيـك ومنـاه
...............يزرع بصدرك من قنا رمحه طعـون ..والّلي رضع لبـوة عـدوّك توقّـاه ...............الجرو ولـد اللبـوة الّلـي تعرفـون ماشاء الله بحر من بحور الشعر يا ابو فيصل ............. لينا كل الشكر على هذا القصيده الرائعه اعجبتني كثيرا كل الود |
..وافطن ترى زول الرّجاجيل تـوّاه
كم واحدٍ يعجبـك زولـه وهـو دون لينااا لاهنتي على الاختيار الجميل وصح لسان شاعرها شكراالك |
| الساعة الآن 06:09AM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية