منك استمد القافيه سبك وابداع=واكتب جديد القاف وابدع بنوعه
واصوع لك من شرد الفكر بالصاع= سبك الجديد اللي دماغي يصوعه
عسر القوافي يو م تطرين مطواع=كل القصايد فيك تبهر وروعه
احلا الورود اللي تمايل على القاع= سقاه من نو السحايب سبوعه
زولك اليامريت راع الهوا ضاع= يم العيون الذابحات القطوعه
لاياعيون مْفرَعٍ به وطلاع= راكد ولو هو ممسيٍ فيه جوعه
اشقر اليااوعد قدمه المنخدم فاع=اليا اعتلى الخارم تقعطل بروعه
عنق ادميٍ قدامهن يوم ترتاع= جول الظبى قوفه تناقز رموعه
عليك يشلع كرسي القب شلاع=ولاغبت لاهوب المفارق يلوعه
بين الحناي لك دهاليز وقلاع= غلاك مايوجد مثيله ونوعه
تسج لك زافات الافكار وبساع= مسرع مصاديره ومبطى رجوعه
يهب من صوبك للاشواق ذعذاع=ارجي هلال الوصل وارقب طلوعه