يامل عين كل ما رادت الكرى=تشيلت يوم العباد نيام
تسهر عيونه من منامه ومرقده=ومن صيب مثلي ما عليه ملام
عذلت عيني عن دموع تهلها=وعيّت تطيعن ما تريد كلام
وقلت له يا عين كفى عبايرك =كثر البكى يرّث على هيام
وقالت عيوني لا تعذلن وخلّني=وتدفقن يروى قطيع هيام
ما ابكى على حمع و لا عشقه لي=ولا على مال ذهب عدام
ابكى على شيخ حوى الطيب و الفخر=من خلقته ما عرضوه ملام
كمل مراجل و اعلتى فوق ما علا=من لاذ في بيته حرام يضام
من لاذ به فرج همومه وكربته=وعقب الضعف يبني عليه سنام
مرحوم جعله جنة الخلد مسكنه=في حق من كبّر ولله صام
تسعة جرال حافظ كل عدّهم=حكم عليهم بالقصاص ولام
بجيزان وم أن العتيبي تزبنّه=وحكم عليه الشر بالاعدام
لجا لابو زيد المسمى وزبنه=من عقب ما الجزار يمه قام
وشعيب حدد له قصاص محتن=وادرك له المشهور كل مرام
وحتى الوثيري يوم قرّب زواله=ربّي ومر حلحيل بالهمام
بذل جهوده في مساعيه نشكره=ولا قعد بالسجن لو هو هام

وين حمد الصامطي لاذ و انقذه=من عقب ما طير الندامى حام
وحتى الشريف اللي حكم في قصاصه=من عقب حزن في فواده نام
نسى همومه من فعايل محمد=يوم أن ربي راد له سلام
وناجه ابن صهليل من جمله العدد=انجاه حلحيل الرجال شمام
و الشمري عيبان ربى فزع له=من حفره جاله عميق هدام
و الدوسري فيحان مشى له وزبنه=وعيني تشوفه ما سمعت كلام
و الدوسري مفلح في سرع نجحه=زبن محمد وأطلعونه قوام
و غيره و غيره كان اعدد مكارمه=يشذى لبحر بالشواطي زام
عسى الحساني يا الولي محصى المحلا=ويا مرسل طه يبث سلام
ادعوك باسماك العزيزه و قدرتك=في حق من كبّر و لله صام
فرد صمد من لاذبه ما يخيبه=محي الوطن لو هشيم رمام
تخفف ذنوبه يا ولي بقدرتك=وتجعل لروحه بالجنان مقام
اللي وقف بحدودنا واحتمانا=براس الحدود يصادم الحكام
لامن خصمه عقب فعله تراجع=ما هي مروه مير شاف زحام
وشقيقه المرحوم في جنبه ارتكى=وتكاتفوا في طاعة الإسلام
بتوجيه حكام الجزيره هل الفخر=حطوهم الحكام بالمهام
نسل السعود مرويه حربة القنا=ارجو عسى حكم السعود دوام
تمت و من بعده صلاة على النبي=عداد ما ارعد و امطر الغمام