مرثية الأمير عبدالرحمن بن احمد السديري في سموه
/
/ قالو تريح قلت ما فيه راحه= جوارحي عيّت تجاوب وترتاح هذا يفيض وذاك طنّب صياحه=وهذا يلوج وذاك من ساعته راح تفاعلت و الدرب عاضب سماحه=أفراحي اعمتها كثيرات الأتراح عزّى لمن مثلي تفاقم سلاحه=هذا وذاك مع ذاك ليا راح خالد رحل و أخوه طاح بمطاحه =ابو زيد لو يجدي بكيته و لا طاح خالد ليا كثر العوى و النباحه =و الضد هاج وضاق بالمزح مزاح خالد صعد بالمجد و اثبت وضاحه=شادت به الأقلام و الكتب و الواح و أبو زيد و الله ما تضمد جراحه=أبو زيد ما ينساه ناعي و مدّاح و ابو زيد عدٍ عارفين قراحه =اوّاه فات الفوت باعقاب وشلاح عمدان من عمدان بيت سناحه =هقابهم و ادرك بهم عوج و اصحاح الكل منهم سدد الله كفاحه=قالوا وطالوا و اخلصوا جد و اصلاح قاموا بواجبهم بعزم وصراحه =الكل منهم ما تقاعس و لا زاح عن واجبه ما كل ما جاه زاحه=على الوفا عاشوا ونادو بالاصلاح ماحدٍ نسب عنهم ظل و فداحه =في خدمة الصالح لهم دور فلاح ما ينفع المحروم كثر الفصاحه=و لا يدرك الميت مصوت وملواح فاجتني الدنيا بغلظ و شفاحه =و الحمد لله عد ما بارق لاح وضاقت علي الدار لو هي براحه=واهتزت أعصابي ومكنونها فاح يالبيض عن كثر البكى و النياحه=تعوذن بالله ترى النوح ذّباح الصبر ضد الغظ يكسر ارماحه=بالصبر نال الحي و الميت الارباح وحنّا هوى الشيطان نكبح جماحه=نبذل و نصبر وقت موجات الارياح وحنا ليا عاب الدهر من جناحه=يبرز سعدنا عند هزات الارماح نسلك دروب الخير لين وسماحه=هذي طبوع جدودنا يابن طلفاح عشنا مع الصالح ندور بفلاحه=عبد العزيز ادرك لنا المجد ما راح الله رعاه و ساعده و استباحه =وانعم عليه وصار للحق مفتاح من ساس و اسس الثمر من لقاحه=بيت العرب لا زال للحق مصباح كل على ساسه توخّى صلاحه=و الساس ما يصمد على رمل و املاح ومن لا أنفظ بالغير يصعب نجاحه=ومن نام هان و ضاع مع ضوح ضحضاح ولا من اعتصم بالله قصير سباحه=ومن فضّل الراحه تعشاه ضرباح و الكود في بعض الحوال استراحه=و لا يستوي بالفود مهمل و سرّاح و بالآخره كل يعلق وشاحه=وعسى لنا في جنة الخلد مسراح . |
الساعة الآن 05:42AM |
Powered by vBulletin® Copyright ©2000 - 2024, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية