شيهانه 11-22-2007 02:23AM (( ارجع ))   الشوق يرجف داخلي والعين تدمع والروح تبكي تنعي غيابه وترثيه ولا جيت ابضحك ترفض العين تخدع واثاري في داخلي له قلب يغليه وحبر دمعي اشعر الشوق وابدع الوله في وزنه وحزنه قوافيه اسمع يابعد عمري القلب اسمع له نبض يغازل اسمك ويناديه يقول ارجوك ياهوى الروح (( ارجع )) ترى غيابك اشعل الشوق فيه ان حسبت بعدك صبر القلب اسرع القلب علم صبري النار تكويه صارت سنين طوال الفصول الأربع وطال بعدك قلي وشلون احصيه؟ مالي ابد لاشوق؟؟ لا قلب يشفع؟؟ ارحم دموع القلب ويا رجاويه ارحم ترى رحمة الله اوسع والحق محب اليوم كثرت بلاويه ارحم ترى والله الهجر اوجع وانطر رجوعك عسى للقلب يسليه فضيع هذا الشوق لكن الصد افضع ياللي غيابك يتعب الفكر يشقيه ياحبي اليوم الصبر ماعاد ينفع ماغير شوفك يسعد القلب يرضيه

Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية