صرت احس الحزن ساكن وسط عيني=كل شيٍ حولي اشوفه حزين
ما ادري العادة جرت بالحزن فيني=ولا انا عن فرحتي مات الحنين
تهت بين الحلم والواقع وبيني=وبين توفيقي وعثرات السنين
أتخيل كن عمري في يديني=واني اوزع منه للغافلين
لوّنت روحي من اوهامي يقيني=لين صرت لبعض خلق الله مدين
ولين خلص صبري وضاعت سنيني=وطول المشوار مكتوف اليدين
يارياح الوقت فالبعد اطرقيني=عن طلل ما فات ابنسى واستكين
بابتعد واترك زمانٍ ما يبيني=وباحكي بما في شراييني دفين