بسم من أنزل تبارك والفلق والذاريات=اذكرة ماقد نسيته رب سبحانه شديد
وآتوكل واستعينه فالأمور القاسيات=واكسي الفكرة ثيابٍ زاهية بأجمل جديد
الشعر ترعد غيومه والحروف الممطرات=تنّبت بصحرى المعاني مزهره جزل القصيد
ياسلام الله سلامٍ فايحٍ بالقافيات=اختلط مسكه على حبٍ معا حبّك يزيد
يابو متعب خذ ولانا في بيوتٍ محكمات=الشعر لو ماوزِن حرفه على صيتك بليد
جيت اجدّد بيعتي لك مع جباهٍ شامخات=مثل شيخ ومثل طفلٍ بالمهد توّه وليد
دام شمسك شارقه بالطيب في كل الجهات=والله ان شْعاعها عز وذرى شعبٍ مجيد
وماتْحرق إلا وجيهٍ للخيانه لابسات=اطلق حجاجك مثل صبحٍ ظهر في يوم عيد
دامنا شعبك فحنّا لـك جبالٍ صامدات=صامدينٍ صامدينٍ كفّنا ضرب الحديد
لاظهر صوت المدافع مانولي في سبات=واسألو ابن المعلوي حامي فالخوبه صعيد*
ناهسيٍ مـن رجالٍ مايهابون الممات=وحنّا سواته يابني عمّه دروعٍ مانحيد
نسهر بعين الشجاعه ماغفينا فـي مبات=اصرخو حيّو عليها وابشرو بـدم الوريد
مافلح من خان تربة موطنه وانكر غلات=ولاسلم منهو تخفّا ببتساماتٍ تكيد
ياجعل رب كتابه ضم صـورة عاديات=ياحفظك من كل شرٍ ياللي في رايك سديد
أثمرت نبتت يمينك بين خذ وبيـن هات=جازل احكام السياسه ماتثنّي ولاتعيد
لك فعايل ماتسطّرها قوافي مسرجات=تنّقش في صخرة التاريخ واتْخط بجريد
الأصل ماخوذ منك والشهامه والوفات=اشهد انّك ماتشبّه من يجيد اللي تجيد
أنت معروفٍ مداك ومـن فعولٍ مبطيات=بالوفا والجود نخوات المزابن ياعتيد
الشجر لي طاب جذره باينٍ بالمثمرات=من زرعها ثم سقاها ثم حصد يوم الحصيد
هي يمينك ياملكنا مـن فعـولٍ مبطيات=طير حرٍ هدّتك للخير تعرف وش تصيد
شفنا تاريخٍ لبوك مـن فعايل ماضيات=وانت ماشي مثل نهجه ياعسى عمرك مديد
يابحر طيبٍ وشط الخير ياوافي الصفات=ياقف الساني ولا اقدر عد شيٍ من عديد
الرسن حبله بيدّك والخيول اْمهمهمات=اتكل وآمر رجالٍ ماتهاب الا الحميد

يـاجــعــل رب فـكـتـابــه ضـــــم صـــــورة عـــاديـــات
ياحفظـك مـن كـل شـرٍ ياللـي فـي رايــك سـديـد

وصح لسانك على هذه الرائعة

ويزيدني شرف أن أكون أول من يرد على هذه الفاخره

الشاعر: فهد مفلح:thumb:
نص ّ فارق ’للـ تصفيق ’
والإحتفاء بـ هذا الكم ّ الشعريّ بـ ملك القلوب
صح منطوقك فمرور واحد لايكفي

لي عوده