|
ذهـــــــــااااب بلااا رجـــــــــــووع
السلام عليكم ورحمة الله وبركاتة قصائد مختارة , للشاعر / ماجد المهنا http://www10.0zz0.com/2009/10/11/13/842316390.jpg .. . . ( أذبح ) تباشري بي يالهنـوف الترفـه لبى حًور عينك ولبـى طرفـه وفلي جديلك كـل مـا شفتينـي خليني ألمـح ذنبكـم واقترفـه شديت لك من ( العيون ) ركابي ماجيت لك جاهل قليل معرفـه ( ابن مهنا ) لـو جفتـه أيامـه ما ضيّع سلومه وخـلا عرفـه عقب اسمعيني وابحري في قافي قافٍ يعجز الصيرفي عن صرفه عسرٍ على غيري وسهل اصوغه كلـن بمغرافـه يكيّـل غرفـه واللي رفع قدري , وعلا قدرك نفسيتـي مـن الجفـا منقرفـه هيا اقربي ثم اقلطي في جوفـي وردي علي انفاسـك المنحرفـه صديت عنّك والظروف اقصتني لا بد يعذر شاعرك يـا ظرفـه ابعترف شختي مابين ضلوعـي وعروق جسمي كلهـا معترفـه ولو اني اخبيّ عليـك سـدودي ما كان يشبهني .. لبيد وطرفـه سكنتي براسـي وخليتـي لـك فالذاكره علم , وكتاب , وحرفه رمشك طلايع جيش قد غرر به وأنا دريـك جنـوده المحترفـه أذبح فدتك الـروح يـا ناقلهـا على كفوف الموت قبل اعرفـه حبك مثل سيلٍ نحى مـن وادي أقتادني خيرة , وخذني جرفـه .. . ( خير ) وش جاك مني يا رفيقي خير ! وش مزعجك يوم اتقفانـي !؟ تكذب علي وخانـك التعبيـر ويضيع علمـك واتبلانـي !! ولو ان منت بضايع التفكيـر ما كان جاني منـك ماجانـي لكن نقول ان ذا الامور تصير والله يحرسـنـي وياقـانـي بدمح خطاك وبتناسـى ميـر راجع ملفاتـك علـى شانـي أنا موهبـه تستاهـل التقديـر حتى من خصومي وعدوانـي لأن الحكي عني بـلا تبريـر كثّـر علاقاتـي وصدقانـي حكاويٍ تبنى علـى التشهيـر أكـرم وتكـرم عنهـا اذانـي انشد حساسيدي كبير صغيـر عن وقفتي في زوغ الاذهانـي عدوا لي العدة وجيـت مغيـر وتساقطوا واحد ورى الثانـي بنات الفكر فرّع , وراسي زير يا كثر ماستغفـرت واغوانـي يدوي به الهاجوس لي يسيـر في حانـة افكـاري وقيفانـي مدامه , أجزل ما كتب لا غير وعشيقتـه , بلاغـة لسانـي ركز معـي سياسـة التشفيـر ماهـي بساليبـي ولا ادانـي مادانـي الألحـاح والتكريـر ومافيه داع اعيـد شرطانـي سهله ولا ظني تبـي تفسيـر ( أنا أنا .. قدري وميزانـي ) من بورة الايام قدنـي طيـر كفخـت لا بـارت بجنحانـي .. . ( بريت الحال ) بريت الحال يا سمـح المحيّـا عثر بي في دجا حبك جوادي حفت رجلي على درب الجفيّـا ولا قدرت جهدي واجتهـادي بغيت القلب يدْله عنك , عيّـا وعلى ماظن او حسب اعتقادي ( لقد اسمعت لو ناديـت حيّـا ولكن لا حياة لمـن تنـادي ) ثمان شهور وصلك ما تهيّـا وانا مالي مثل صبر المهـادي لو انـي بـاتحمّـل واتريّـا ما شمّت بي تجاهلك المعـادي تعال ولا تسـوي بـي كذيّـا وحقق منيتي واقصى مـرادي هذا بيتك / ومدهالـك هنيّـا تنق بكل عـرق وكـل وادي حزامك / قلب تاخـذه الحميّـا وزهابك / عقل وعيون وايادي .. . ( قلعة الآمال ) هجوس شعري دوم فـأسترسال تمنع عيوني مـن لذيـذ النـوم يطحن رحاها فكـري الشغّـال ليـن المعانـي تبلـغ الحلقـوم مالي معَ بدع القصيـد اشكـال من دينمـو الافكـار للبلعـوم دايم على ذا الوضـع والمـوّال للجزل فـي قضيّتـي مرسـوم صوتي يبي له حنجره واحبـال من سلك فولاذ وذهب وكـروم اربْ ناصيـة الشعـر تحتـال فرايـدن مـن دري المنظـوم اصعب على النقّـاد والحبّـال من ساعته في يومـه المحتـوم كم واحدن حدّر علـيّ ومـال وأقفى عليه من الزمـان ثلـوم كفي شطير وصكتـي سـلال واسمي قلق واطلالتـي جاثـوم طبعي كـذا ماجامـل الجهّـال من دون عمري مالحقني لـوم فـانا عـدو الـذلّ والانـذال وانا رفيـق الكايـد الشغمـوم ذكري معَ الوافين طيّـب فـال والله مجنبنـي عـن المذمـوم لو ان جيبـي مايضـمّ ريـال ماجيت مستعطي ولا محـروم عليّ سرابيـل الغنـا سربـال ورثتها من (زايـد الملطـوم) وإلى قصرني شيء بأية حـال ماكامـل الا الواحـد القـيـوم للصبر في عيني شُعب واشكال واجلّها صبري على المقسـوم ماكل شـيءٍ فالضميـر يقـال بعض الامور تشيّب المفطـوم خج الضلوع الطـاري القتّـال خلا تحت عيني أثـر ووسـوم ما وقّفتْ رجلي على الأطـلال حتى عصاني قلبـي المكلـوم من كثر مادمعي يشبْ وسـال ماعاد عندي ثوب فيـه اكمـوم خلقت اجاهـد راحـل ونـزّال من وين ماوجهه لقيـت همـوم أحـسّ بالتهميـش والأهمـال ماكن لي ديرة وربعـي قـوم قد لي سبوعين وثـلاث ليـال كل يوم وانا اقول هـذا اليـوم بآسـج وابنـي قلعـة الآمـال واعيّن اطيور الضيـاع تحـوم لا حول صدق ومطولك يا بال وَ حوم كبدي من سنيني حـوم واعدت لي عشرة وانا جمّـال مافيهم اللـي زبـن المضيـوم مافيـه داع اشمّـت الـعـذال واذيع سري واظهـر المكتـوم لابـد ياتـي للفـرج مدخـال واذوق مـن رحيقـه المختـوم خوي السعه والقيـل والجـوّال يقفي ماني في خوتـه ملـزوم وش خانته لا صك جالٍ جال ؟ دام التفاهـم بينـنـا مـعـدوم إلى دعيتـه جـاري الأرسـال وأنا رهيـن الواقـع المشـؤوم عجزنا نحايل حظنـا البطّـال نبكي على ماضيينـا المـردوم إلـى اغتنـت مدينـة العمّـال راحت على راع العزوم عزوم غدا الرئيـس بكفـة الحمّـال من يلتفت في سورها المهدوم ؟ يا رب أجرنا حـزة الاهـوال جار الزمـن وتغيّـر المفهـوم تتعاقـب الأحـداث والاجيـال كنّـا بذاكـرة الليـال حلـوم الناس تفنـا , والقبـور تهـال والوقت يمضي , والسنين تشوم .. . ( عذاري ) الصـدر زنـزانـة وخفّـاقـي اسـيـر والفكـر عـيّـن للـسـان استـشـاري والشعر ساحة حـرب والشاعـر مْغيـر والـقـاف ذود وتحتمـيـه الشـبـاري ولا يحصـل حصتـه وافيـه غـيـر : ( شوق العـذارى لا بسـات الخـزاري ) وراسـي معـزب والطـواري مساييـر يا مرحبـا لبيـه يـا اغلـى الطـواري تلفـي علـي وافـز واصيـح واشـيـر عـلـى كرامتـهـا واقـلّـط فـقـاري واشـب ضـو القـاف وتشـع وتنـيـر وتبحـص معانيّـه بجـوف الـغـواري وازلّهـا وســط الــدلال المباهـيـر وامـد فنـجـال الـجـزال الـهـراري مثايـلٍ فيـهـا اعـجـاز وتصـاويـر وأنـا اتنقـاهـا بحـسّـب اختـيـاري مثل الرفيـق اللـي يـدوّر لـي الخيـر ويشدنـي عـن هزعـتـي وانـحـداري وادوّر لبـعـض السـوالـف معـاذيـر واحـط لـي منهـج واحـدد مـسـاري واحرص على نسـل الرجـال المناعيـر اللـي يماريبـي وانـا فـيـه امــاري (( فقير )) يحفظ لي وقاري ولا (( أمير )) يحـط مـن قـدري ويضيـع وقــاري ابـيـه لا دارت عـلـي الـدواويــر يكـون لـي عـزوة وجبـر انكسـاري (( خوة شرف )) ماهيب (( خوة دنانير )) وان غبت مـا يرضـى علـي الهـذاري يـا مـلّ عيـنٍ تحبـس الدمـع ويحيـر ويحدهـا عــن الـدمـوع اعتـبـاري كن فـي حشـاي مـن الغبينـه دوافيـر وتحوفنـي فـي كـل ساعـه عـزاري إلى ذكـرت الحـظ .. فالثلـث الأخيـر وحـبٍ عجـزت اقـدم إْلِـه اعـتـذاري تعبـت مـن طـول السهـر والمشاويـر مـن جورهـا حطـت بعينـي مـواري وازريـت للقـى للمـواجـع تفاسـيـر وعانيت مـن كبـت الحـزن والعبـاري وسيـلٍ مـن النكبـات مامنّـه مْجـيـر لا صـرت اداري والزمـن مـا يـداري ان جيـت والأقـدار وضـح ومغاتـيـر هـدّف مجاهيمـه هــزال وعــواري لكنّ ابسألكـم احـد شـاف لـي طيـر ؟ خـلا ضلوعـي واخلِفـتْـه الحـبـاري اومي بملواحـي وانـا مشتحـن .. ميـر غـدا وقفّـت بـه هـبـوب الــذواري واصبحت مالي قلب يَـروى مـن البيـر مـن يـوم مـا شحّـت بماهـا عـذاري .. . ( بصرك ) ياللي رفضت تحب واغليك وآحصـرك بعد الغيـاب المـرّ بالله وش جابـك ؟ وشلون ما كفاك جرحي واقنَعك نصرك ماهوب حدك لو ان ماني مـن اقرابـك شيدت في جوفي مدينه , عان ذا قصرك لكنّ اجي لك ضيـف وتقفّـل ابوابـك لا يا بري حالي من اياامك وعصـرك ويا شين فعلـك معـيّ وقـل ترحابـك ظلمت مفهوم المحبه ظلمـك لخصـرك يا ويل قلبي اشوف المـوت بـأهدابـك امن اولٍ يا طول وجهي وانت يا قصرك معَ سلوم العِشق ماتجملـت فـأحبابـك كنت الغرام الكُلّ , ما كنـت مقتصـرك تخطي عليّ واجيك واتحمـل احرابـك واليوم قبل انتهي مجبـور واختصـرك بقول لك شـيء قبـل اسكّـر اكتابـك تبي تروح او تجيني عادي , وبصـرك ما عاد يفرق معي وصلك ولا غيابـك .. . ( ذهاب بلا رجوع ) أووف .. يا كبدٍ من الفرقا تلـوع ولّ .. يادمـعٍ طغـت همايـلـه كيف شمت وشنت ياذرب الطبوع ! وكيف قلبي طاح وانت اتخايلـه ؟ بكره ابآكملّ معَ جرحـك اسبـوع وآآه من جرحـك ومـن عمايلـه كان السفر ما علّمك قدر الربـوع والا المدينه / والهوى < وبكاي له كفّ عن هل العبـاري والدمـوع ورد لـي قلـبٍ عجـزت احايلـه أنا لحقني من دهر لامـاك جـوع سيلك ضميـت ووقّفـت مسايلـه أن غبت عني كره والا غبت طوع بقولّـك شـيءٍ ضميـري شايلـه العشق ماله في عيوني غير نـوع لـو قسّمـوه وعـددوا وسايـلـه ماعرف ألا انه ذهاب بلا رجـوع كم جـرّع العشـاق مـن هوايلـه وادي مايسّكِنْه المغفـل والجـزوع ولا اتعس امـن شيوخـه وقبايلـه لو انّ دونك موت وسيوف ودروع يطري علي ان (كل كربه زايلـه) بآجيك ودروب المحبـه ماتـروع مغـامـرٍ مـاعـددت جمايـلـه نذر وعلي رفقه وربي يا قطـوع ان كل بيتٍ مـن صميمـي قايلـه أمس .. بكْيِّت الرسايل والشمـوع واليـوم .. قافـي ذكْيِّـت مثايلـه قسمتني من الجفا خمسـة فـروع وكلبـوهـا للمتـاعـب آيـلــه أبطيت وادميت المشاعر والضلوع وريتني نجوم الضحـى والقايلـه .. . ( ماكو فكه ) يا بخت (باريس) وسعد (موناكو) من عام واحزان (الخبر) تتصاعد صدفةٍ جتني معك فـي (ساكـو) من دون سبق انذار والا مواعـد شفتك وصلفات الهمـوم تراكـو وقامت فرايص شاعرك تتراعـد جيتك أدوّر عطف قلتي : ماكو ! وصدمت في وجه الزمان الجاعد يا جادلٍ به من قسـا (هولاكـو) وأضجّ من صوت الهزيم الراعد شمّـت عذالـي علـي وتحاكـو أنا أقرّب لك .. وأنـت تباعـد ! عقلي وخفاقـي سببـك اتشاكـو والعقل يبغالـه خفـوق يساعـد أنساك ! واعروقه عليك اتباكو !؟ وأنت لك مـده بصـدري قاعـد مع فلسفة الأعماق مبـدأ (داكـو) ماعـاد تنفـع فكـري المتقاعـد ماكو فكه منك يعنـي .. ماكـو الا اني ارسلـك مسـج وتواعـد .. . ( ما على الدنيا عتب ) يا (هولقنـز) الفكـر يـا سذاجتـه يكفي شغب وازعاج وإيذاء وصخب الهرج مـوذي واكثـروا هراجتـه والدم واصل من طعونـك للركـب الله واكـبـر يـازمـن ولاجـتـه تولجتهـم سكـة العشـق الخصـب لو بير عطفـك تنشـرب هماجتـه بآجيك واعيّنْـه مدمـور ونضـب يا بكرتي شاعـرك مـلّ ادواجتـه متّـر التوبـاد وصحـراء النقـب مافيـه فـجٍ واقدمـي مـا ساجتـه ماقمت احسّـب للخسايـر والتعـب لكـن يـا ليـل ابرقـت زجاجتـه لازانت اظروفي ولاطـاح الحطـب مايذبح الرجال غيـر أن حاجتـه ! بايدين ناكر عشره وراعـي كـذب وااا قلبي اللـي ينتظرهـا وماجتـه وااا دمعي اللي جرّح استار الهـدب الحب مشلـول .. وعلـى دراجتـه مكتوب نصاً (ما على الدنيا عتب) !! .. . ( مارد الشعر ) مارد الشعر انتهـك حرُماتـي فأتيـت أكتـبُ ليتنـي لـم آتِ قد كنت أكتبُ مابدا لـي شعـراً والأن أصبح مهنتي وصفاتـي ملكتُ مرجـان المحيـطِ ودرّهِ وتهشُ قطعان القصيد عصاتـي صارعتُ جني القصيد وقومـهِ حتى نجـوتُ بفعلتـي بحياتـي وذكرتُ محبوباً تمادى بالجفـا حتى بدا دمعي علـى وجناتـي ألِ بعدك طعنات سيـف مهنـدٍ كيف النجاةَ يا غايتي ومناتي ؟ قد كُنتُ أضدُ من الرجال رجالاً مالي أرى في مقلتيـك وفاتـي فلم اذق طعم الكرى يـا فاتنـه ولم يعد حالـي يسـرُ عداتـي غُزيتُ من ليلي وحزني والسهر ما حيلتـي حتـى أرُد غزاتـي فـكيف أنساكِ ويغمضُ لي جفن وأنا أراكِ في جميع جهاتـي !؟ .. . . كثرت حماقات الزمان فطالما أخرستها بعظيم فعلي , لافمي ستنقل الركبان أخباري لكـم وستعلمون لأي قـومٍ أنتمـي جردت من نسب الأسودِ لأنني أسد وطأ البيدا بهيكل آدمـي تحيااااتي عبير الروووح |
كثرت حماقات الزمان فطالما أخرستها بعظيم فعلي , لافمي ستنقل الركبان أخباري لكـم وستعلمون لأي قـومٍ أنتمـي جردت من نسب الأسودِ لأنني أسد وطأ البيدا بهيكل آدمـي الآخت عبير الروح تسلمين على الذائقه دمت بود |
زمااان العجايب
تشرفت بتواجدك فشكرااالك على هذا الحضور الكريم |
اقتباس:
اليييييييمه راقت لي كثراااا العنوان بحد ذاته كان موجع عبير الورد شكرااا لك ياباذخه :r: |
انثى خرافيه تواجدك اسعدني
مشكوره ياقلبي |
| الساعة الآن 11:30PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية