يالله يا علام ما تخفي الاوادم فالصدور=ياعالم بنياتها واللي تكن اصدورها
يامنقذ ذا النون من ظلمات غبات البحور=لو لاطمته امواجها والا علته ابحورها
ياحافظ فخر الوزاره من مغبات الشرور=ساعة تواضع لليدين اللي تمد اشرورها
طالبك يالله رحمتك والعتق في يوم النشور=وطالبك تحفظ مملكتنا اللي رفيع سورها
ويا الله تجعلها على الارهاب واصحابه دبور=الزمره اللي من مشاورها ضعيف شورها
ويالله تحفظنا من اصحاب التطرف والفجور=وإجعل اعدانا يا إلاهي شرها فنحورها
من بعدها سلام ياتاج الفخر شعر وشعور=اصدق ابيوت الشعر بالفرحه تهيض شعورها
يامحمد النايف كريم الاصل ياصقر الصقور=ياسيدي جزل القوافي فيك شع شع نورها
يومك بنيت من التواضع للمراجل دور دور=خيال عسرات المراجل لامتطيت اظهورها
خذت التواضع ميزت والله حماك من الغرور=يوم المناصب في ضعاف الخلق تلعب دورها
ياسيفنا اللي يضرب الهامات ويفج النحور=حلال صعبات الامور اللي ثقيل جورها
سلامتك ياسيدي لهل الوطن فرح وسرور=وتنزع من اصدور الاعادي فرحها وسرورها
ياسيدي هاض القصيد وجاد به رجل غيور=يحرص على دار(ن) ترع رع في ظلال قصورها
وياسيدي في طاعة اولات الاوامر مانبور=نبقى على عهد الوفا لبلادنا وصقورها
واختامها ياعل تبقى المملكه بازهى العصور=تنعم تحت حكامها وتعيش بحلى اعصورها
وصلاة ربي عد ما تخفي الاوادم فالصدور=على نبي زال شرك الامه امن اصدورها