ان عدّت الليله بخير وسلامه = فأنا حظيظ وصار لي عمر ثاني
ماهي قيامه مير مثل القيامه = عانيت رهبتها وانا قبل اعاني
حامت على راسي سوات الغمامه = دارت بي الدنيا وانا في مكاني
حرايق الحيره وسيف الملامه = من بينهن مريت والله وقاني
شديت حبل الصبر قبل انعدامه = وهزيت في وجه الوجل صولجاني
يافلان ما يرخص كريماً مقامه = يزعل ولا يرضى فلان الفلاني
اما حياةً في شموخ وكرامه = والا الممات وكل مخلوق فاني
الوقت يغريني وانا ارفض حرامه = من صارع الايام ماعاش هاني
سود الليالي دفّعتني غرامه = وكم دفّعت قبلي طوال اليماني
كني يتيماً ضاهدينه عمامه = يسكت وبعيونه يشوف الهواني
نصف البشر عاشو بحظ وغشامه = والنصف الاخر للتعاسه معاني
لاعاش رجلاً قد نفسه مرامه = عمر الفلس عمراً قضاه الاناني
إلعب على الحبلين يابو دلامه = نافق وتكسب بالنفاق الرهاني
ان شفت لك صقراً فريسة حمامه = او شفت لك ذيباً ضحية حصاني
ماهو غريب الوقت هذا نظامه = يفضّل الشمّه على الزعفراني

صح السانك...وجلا غمامي وغمامك...
جديدك جديد..
>>>>>>>
إلعب على الحبلين يابـو دلامـه... نافق وتكسب بالنفـاق الرهانـي
ان شفت لك صقراً فريسة حمامه...او شفت لك ذيباً ضحية حصانـي
ماهـــو غريب الوقت هذا نظامه...يفـضــل الشــــّمه على الـزعفراني

الشاعر الفاضل // عبدالله الشمري

دائما" مختلف

ودائما" يبهرنا ابو محمد عن غيره

ودائما" نسطر أعجابنا بحكمة من شعرك

تحياتي وتقديري لوجودك