قال لي اوصف حلاها وحاول لاتثير=عبرتن من عام الاول تعن اخيالها
قلت له واقعك 00ياصاحبي جداً خطير=والمصيبه من عَشَقْها يجيه اهبالها
منوة اللي من قناها يشكّل بالمدير =ولا بدى له لازمن ماشكت له حالها
يكتب الشيك المصدّق ويعطيه الخبير=لا حصل له فالها مقتفيه اعقالها
مايحسّب للخساير ولايسمع شوير= وعن طويلات الهدب مايحوش اعيالها
جابها الناغي من اديارمعدوم الضمير=لبوةٍ تمغط ظهرها بعكس اقبالها
لستوت بلقاع تفرش وتسحب للأخير= موتر الشيخان لاروحت لعمالها
لقبلت كنْها تقول الخلا يلي تغير=ولدبرت تسفط وراها جميع اشكالها
تلبس الديباج بطره وتكشخ بالحرير=وان شعت بالليل ترخي عليك اجلالها
تعطي الملقوف نظره وتضحك للغرير=وان صخت له بالمشاعر يتوق اوصالها
في تناسق لونها شي من لمعة شطير=لستباحت عتمة الليل بان اهلالها
طلقتن منهوسبرها يسلّم للخفير= محتمل بشعاع عينه يعَطب ارسالها
شكل راعيها مبنك وو جهه مستدير=لابغى له حاجتن مارضى ببدالها
عيبها وسط المدينه تلذذ بالمسير=وان قرَبها راعي الذود زاد اجفالها
من سلايل شايبن ماحدَر صوب المحير= فيضتن ريح الخزامى يعطّر جالها
فيضتن من جا لهلها يعيّن كل خير= ولحتمى الميقاف قومن تبين افعالها

صح السانك وصف متميز بامتياز شعرك
جابها الناغي من اديارمعدوم الضميـر
لبوةٍ تمغـط ظهرهـا بعكـس اقبالهـا

عيبها وسط المدينـه تلـذذ بالمسيـر
وان قرَبها راعي الـذود زاد اجفالهـا

تعطي الملقوف نظره وتضحك للغريـر
وان صخت له بالمشاعر يتوق اوصالها


صح لسانك وعلى شانك
يا ابن رويه


ولاهنت

دمت بكل ود
عبير الروح

المشاركة الأصلية كتبت بواسطة خلف العاطفي (المشاركة 267133) شاعرنا ماجد بن رويه صح السانك وصف متميز بامتياز شعرك جابها الناغي من اديارمعدوم الضميـر لبوةٍ تمغـط ظهرهـا بعكـس اقبالهـا صح السانك واعتلى شانك شاعر مثلك مايستغرب منه الابداااع عيبها وسط المدينـه تلـذذ بالمسيـر وان قرَبها راعي الـذود زاد اجفالهـا يازينها وعيوبها

مرحبا

ياخلف



اسعدتني بتواجدك وتعقيبك



كل المحبه

المشاركة الأصلية كتبت بواسطة عقاب (المشاركة 267139) ماجد مرحبا ملاييين سعدنا بتواجدك صح لسانك على ذالرائعه تحياتي .

ارحب ياعقاب


كل التقدير لمرورك



دمت بخير