عيونك اول حروف الصدق واخرها=لو ناوي الكذب تفضح كذبك عيونك
عيون طفل(ن) تجاوب يوم انااسألها=وريشة مشاعرك ترسم بالصفا لونك
يا بحر عينك وكيف اغرق بشاطيها=فكيف لو غصت انا بأعماق مكنونك
خمرة عيونك بليلي كيف اسّـكرها=اهذي بلا ادراك وانفاسي يناجونك
بحر القصايد جرى من تحت جفنيها=والليل سجاد رمشه عطر صابونك
سلطانها السحر والاوصاف كرسيها=واسوارها من ورود الخد لفونك
حتى الجواهر تمنت لو اسميها=بسمك ويالّي طلبته حيل يعطونك
دلال عينك بربك من يعلمها=ومن هم بطبع الشقاوه هم يربونك
ضحكت عيونك عشقت اني اقلدها=حتى بعشى يوم كان اهلك يعشونك
سافرت عاشق وزادي من معانيها=واليوم انا امسيت شاعر تحت قانونك
اغار من كل عين(ن) لو تناظرها=واضلاع صدري تمنو لو يخبونك
اخاصمك بس عينك كيف اخاصمها=روحي وقلبي محاله غير يرضونك
يعجبه فيروز لا جادت بأغانيها=وتقول مجنون وانا اقول مجنونك