|
ماضاع من يرجيه
ياخالد ابن سعود قلبي على صاج=من حر مونس مايحس ابحراره ياميرانـا جايـك ودي بالفـراجّ=فرج همومي من يمين ويسـاره اليوم محتاجك ودورلي اعـلاج=اعلاجكم يحفـظ لمثلـي وقـاره كل"يبي عن شوفتي باب مخراج=واعذارهم كبر الجبل والعمـاره يوم أني انخاكم من الوقت محتاج=مانيب شحاذ" ولا ارجي تجـاره فزعاتكم حطيت من دونها افواج=يكثرها فالناس ورهن الاشـاره ماجاكم الديان وسبب لك احراج=ولا هجوس" كل ساعـه بغـاره تفكيركم اقصور وشاليه وهـراج=ومال يوصلكم ل قاصي أديـاره الله يهنيكم وتسلم مـن ازعـاج=ويحفظ لنا زولك حكيم أبشطـاره اما انا الصيف مع ثلاثيـن دواج=كـل يدورالعمـل لـو خـفـاره وانا عزيز ومنهجي مابه اعواج=ونفسي لها عزه تجي بالصداره باب الكرامه قافله بالف مـزلاج=ماني بندمان ولاعرف الخسـاره مقسم الارزاق مع نور الافـلاج=وكل يوجه وجهته فـي مسـاره يالله يامنشي وسيعات الافجـاج=ماضاع من يرجيه ليل ونهـاره |
السلام عليكم ورحمة الله وبركاته
جابك الشوق صح لسانك على هذه الرائعه رغم ألأخطاء ألكيبورديه اللتي بها ولكنها لاتعيق قرأتها صح لسانك صح لسانك تحياتي . |
صح لسانكـ
جابك الشوق راق لي ماقرأت هنـــا ... |
جابك الشوق
الله يفرج عنك وعن كل مسلم الهم والكدر وافيه من وافي في وافين صح بوحك ولاهنت تحياتي,, |
جابك الشوق
صح الله لسانك وأجــدت في بيانك وبقي التمـــيز والاقتـــدار عنوانك وأعلى الرحمــن شــــــأنك وكيانك ارتشفت منا العيون اجمل الاحاسيس سلمَ فيك هذا النبض لـ تنهل علينا جميل بوحك تقبل حضوري في صرحك الجمال مع خالص الاحترام زهور الياسمين لشخصك |
الغالي الشاعر جابك الشوق الله انه يسعدك ويوفقك بجميع اوقاتك ولقد اسعدني ان اكون ضمن المصافحين لهذه القصيده بما تحويه من معنى ومن شعررائع وصح لسانك وعلا شانك ولاهنت وتقبل تحياتي |
مشكورين على مروركم وتقبلو تحاتي
|
جابك الشوق وااافي وصح الله لساانك يالجزل |
| الساعة الآن 03:13PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية