|
عـيـب ياحافظ القرآن
بسم الله الرحمن الرحيم السلام عليكم ورحمة الله وبركاته يسعدني أن أقدم لكم هذا النص الجديد الذي يحاكي فئه معينه من المجتمع ويعبر عن نفسه من خلال قرائته:) أنا أقول والله عيب ياحافظ القرآن=كفايه كفايه حيث أنا واصل(ن) حدي تظاهر بخلق الدين وإلا أنت بك شيطان=يصرح يقول اللي أنا داخله عبدي تطعن ظهور القوم في هرجك التعبان=تمثل كفو وإلا أنت ياهيه متردي ترمز كلامك حيث في باطنه نقصان=تحاول تعشاني وأنا فيك متغدي لو أنك تبي تلعب ترا منته بفنان=سوالفك ماتمشي على الدلخ والهندي تبي المجد سرقه أنت مع ربعك البزران=وأنا أقول عده مثلما حلمك الوردي بتبطي بتبطي لأن من دونه الشيخان=ومنت بعلى أهل المجد يالرخم متعدي حرام(ن) عليكم ياهل الزور والبهتان=تغشون بعض الناس بالمظهر الودي إلا جيت في وضح النقا داخـل الميدان=أدور عليكم مير محدن يجي عندي وعندي شهود افلان وافلان ويا افلان=علشان يشهد كل شاهد على ردي تخافون ميدان المواجه مع الشجعان=إلا جا نهار الصدق كل واحد يهدي لكن من خلفي يجي الكل معه لسان=يطوله ويهايط وليته يجي قدي بليا سبب تطعن قفا القوم يالطعان=تروج إشاعاتك ولا بـه سبب ضدي مير أن شرهاتي على ديرة اليابان=اللي حكومتها ترا فاقعه كبدي تخلي صغار القوم تطمر على الشيبان=بها مجلس النواب خربان ومصدي لو أنها على آل عمار ترجع أو الفرجان=مع آلاد شكر(ن) كان مابحت أنا سدي رجال(ن) تعز الطيب وتوبخ الغلطان=ولا عندهـا فالحق (ودي وماودي) وإذا سرت الأيام رخم(ن) غدا لـه شان=كفانا (حسن) يالابتي ياظنا جدي هل الأولـه نبقى على مر ذا الأزمان=وكل الرخوم اليوم أزمات وتعدي أنا أقدر أكب اللغم وأطمر الضلعان=لكن الرجال الفاهمه فاهمه قصدي سلامة الجميع:) |
الغالي
الشاعر بدر بن صقر العجالين الله انه يسعدك ويوفقك بجميع اوقاتك ولقد اسعدني ان اكون اول المصافحين لهذه القصيده الناريه بما تحمله من معاني قويه وصح لسانك وعلا شانك مليون ولايكفون وتقبل تحياتي |
كفو...كفو...يابو صقر
وسبعة انعام وصح بوحك ولاهنت تحياتي,, |
صح لسانك
ولاهنت على ذا القصيده الي تحكي وضع نعيشه بمجتمعناا بقوه<<<النفاق والتظاهر بالدين ولكن الله يكفينا شر الرخوم ورخامتهم لاهنت وبيض الله وجهك , , دمت بود عبير الروح |
بدر نص شامخ ومليء بالتحدي والثقه بالنفس ماشاء الله يعطيك العافيه وبيض الله وجهك يالقرم وصح لسااانك |
بدر العجالين
صح السانك.. ولاهنت على هاالنص الجميل دمت بخير |
اقتباس:
صح الله بدنك تسلم ياسفير الطيب:r: مشكور ولاهنت على المرور الكريم.. تقبل تحياتي،، |
اقتباس:
صح الله روحك ومن قال لاهان ماعليك زوود ياخيالها:r: مشكور ولاهنت على المرور الكريم.. تقبل تحياتي،، |
اقتباس:
صح الله بدنك ومن قال لاهان ياعبير الروح ووجهك أبيض يالغالية:r: تسلمين على التعليق مشكوره ولاهنتي على المرور الكريم.. تقبلي تحياتي،، |
اقتباس:
صح الله بدنك تسلم يالفهمي الله يعافيك ووجهك ابيض يالقرم:) مشكور ولاهنت على المرور الكريم.. تقبل تحياتي،، |
| الساعة الآن 10:48PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية