بالهون ياناهب قلوب الرياجيل=لاتدعي درب الهوى وانت حيّال

هي لعبةٍ عندك قلوب الحلاحيل=تاخذ بها سجه وتضربها الجال

بالهون ياراع العيون المضاليل=ماكل رجالٍ ترا مثل رجال

حتيش لو تملك سهومٍ قواتيل=قلبٍ متين ومن ورى ضلعٍ جلال

يلزمك عن طبع الرياجيل تحليل=ينقصك بعض العرف يالابس الشال

وان جيتني بعطيك عنهم تفاصيل=ماقول عالم ؟ بس مانيب جهال

طلعت للدنيا بليا محاصيل=ومن فضل ربي صرت اخرجلي اجيال

ثم فضل عودٍ حط قدمي دواليل=ماشٍ على دربه ولاطلت ماطال

ولاقصرت دنياي وفت لي الكيل=عرفت فيها انواع....والوان....واشكال

دنياً تذوقنا الحلا بالفناجيل=والمر تسقيناه من غير مكيال

والخاتمه عن كثرة القال والقيل=ماقل دل وشينة الهرج لاطال

عجزت لاميز نهارك من الليل=في كل يومٍ لك خليلٍ وخيّـال

شاعرنا المتألق في سماء الإبداع

خيالها


صح لسانك يالقرم وبيض وجهك على هذا الإبداع

وحفظ لك والدك

شاعرنا المتألق في سماء الإبداع

خيالها


صح لسانك يالقرم وبيض وجهك على هذا الإبداع

وحفظ لك والدك

صمت أمام محاكاة الحرف لطغاء الرجولة ..
سلم بنانك وسلم بوحك ..
تمنياتي لك بالسرور ..

تحيتي
http://www.s111t.com/up/uploads/imag...a85c2c4fc4.gif

المشاركة الأصلية كتبت بواسطة خيّالـها (المشاركة 249728) طلعت للدنيا بليا محاصيل=ومن فضل ربي صرت اخرجلي اجيال ثم فضل عودٍ حط قدمي دواليل=ماشٍ على دربه ولاطلت ماطال ولاقصرت دنياي وفت لي الكيل=عرفت فيها انواع....والوان....واشكال دنياً تذوقنا الحلا بالفناجيل=والمر تسقيناه من غير مكيال