|
شين وقوي عين
فعلا حطوا أنفسكم مكاتي اليوم تعرضت لموقف عن جد صرت مستغرب حتى على نفسي كيف تمالكت أعصابي فيه وتملكني حلم فظيع رغم تجهيزي المسبق له من جميع النواحي لكن لما هدأت الأوضاع فكرت وقلت لعلها خيرة المهم أنا حاجز اليوم إنتظار ويوم الثلاثاء حجزي مؤكد ودافع قيمة التذاكر على خطوط طيران محلية عتيقة جدا والآن تأكدت بأنها ذات نظام ذو ثغرات فظيعة وما أبغى أذكر اسمها لأنكم عارفينها وبرنامج 99 ما قصر وأكثر من كذا تلميح أظن مايصير ولكن لو أحد سألني منكم عن أول حرف منها بأقول إن الله يحب الستر وأفرط لكم اسمها بالكامل وترى غيرها أفضل وأرخص منها ويحفظ لك حقك لكن عن جد شيء يقهر لما يلغى حجزك مزاجيا من قبل النظام أو شخص يدير هذا النظام وسواء إذا كان هناك خطأ مقصود أو غير مقصود لابد من العناية بالعميل والإعتذار له أو تعويضه ولكن عندما تتفاجأ بمعاملة جافة من جهة يفترض بها أن تقدم الذوق وتسعى لأن تكون سباقة بخدمتها الرائعة في جذب العملاء وإكتساح مكانة مرموقة بين منافسيها سوف ترفض هذا الشيء لأنك جاي ورايح بفلوسك عموما تخيلت لو كان اللي مكاني شخص عنده موعد عملية أو جلسة علاج ضرورية أو مقابلة شخصية مهمة أو رحلة عمل تجارية ما أخفي عليكم سفرتي هذه غير ضرورية ولكن أستغربت من الحكم الجائر من خصمي والحكم لا وعلى قولة المثل ( شين وقوي عين ) والله ماتصير خصوصا إن الحجوزات الآن ليست شبه مستحيلة بل مستحيلة في وقت الإجازات من كل سنة ولا وش رأيكم تحياتي باريسي |
شين وقوي عين ... هذا ردي لاغير
|
هلا بك يالواضح الغالي
طال عمرك أنا أقصد التصرف كان شين وفعلا مثل ماقلت يعتبر رديء وجدا بعد الحجز كان مؤكد والتذاكر مقطوعة ويلغى تماما بدون أي إعتذار أو محاولة حجز موعد آخر وتصرف جاف مع الجميع صغار وكبار وهذا اللي نرفضه تماما وشيء سوف يخجلنا كثيرا مع ضيوفنا من الدول الآخرى تحياتي باريسي |
أخي / باريسي
تصدق أنا مرة كنت حاجزة درجة أولى والرحله كانت ذهاب وعودة لكن واحد في الخطوط الجوية السعودية الله لا يذكرة بالخير قال أنتي سياحية والدرجة الأولى ممتلئة المهم أنا أصريت على موقفي وقلت أنا بركب في الأولى وروح راجع أنت الحجز طبعاً كان فيه لاعب على الدرجة من نادي معروف في المملكة وأحد أصحاب البشوت المهم لما دخلت لقيت الدرجة بس فيها هذين الشخصين للأمانة عطيته كلمتين مرة قوية وهي قابلين الواسطة تحت في الأرض عاد ما تخافون ربي مطلعينها فوق السحاب على العموم أنا أقولك حل أنك تستمر على موقفك وما تتنازل عن حقك تقديري |
اقتباس:
عرفت قصدك يالغالي .... واعرف المستوى المتدني في اغلب الخطوط العربية .... وفوق هذا تجدهم .. في نفوس اكثر من كريهه في الرد والإعتذار ........... وبدون احساس بالمسؤلية وحصلت لي كثير ... بل وقعت في احراجات لايعلمها الا الله .... على سبيل المثال في احد السنوات ... كنا في السودان .. للعمل الخيري جهود فرديه .... الشاهد وكان لنا حجز مأكد وقبل السفر بسويعات ... صرفنا كل الأموال اللي عندنا في سبيل الخير ... لم يبقى في جيوبنا فلس .... ظانين السفر ... وبنأخذ الأجر قبل أن نودع السودان ... تفاجأنا بعد وصولنا للمطار أن كراسينا .. مأخوذه .. والواسطه الكابتن ..الله يسامحه ... المشكلة ربعه اركبوا الطيارة واحنا بقينا على الأرض ... طيب وين الروح ليس معنا ولا فلس ... واقرب حجز بعد 4 ايام وصعبة جدا ان تمد يدك ... ختى مصروف التكسي ما عندنا ... تذكرت نسيبي وشركة الإستثمار الكويتية يومها كان مدير العام للشركة ... ولها فرووع في السودان ... المشكلة السفارة مودعتنا ... ولايمكن الرجوع ... ياهي كبيره بحقنا .. شلون نمد يدنا لهم .. الحمد لله الشركة اخذتنا وسكتنا في احسن سكن ... وعرفت مديرها الفرعي ... وجلسنا معه في بيته ... عبارة عن مصيف جميل ... والمشكلة عندي ارتباط ومواعيد ... هذي مشكلتنا ... مع اغلب شركات الطيران |
هلا بك وهم أنثى
حلوة مرة منك هالكلمة وفي الصميم: قابلين الواسطة تحت في الأرض عاد ما تخافون ربي مطلعينها فوق السحاب أنا إنسان أرفض هالتصرفات وبشدة وحقي ما أرضى أتنازل عنه إلا للي يستاهل لكن هؤلاء راح أخسر وقتي وأخسر صحتي وأنا ما راح أطلع بنتيجة وربي عفت السفر كله بسبب هالحركة والموقف أصعب مع الحالات الضرورية والمستعجلة صحيح ماعندي ضرورة ولكن برضه لابد من إحترام العميل ولابد من المصداقية والشفافية وسياسة التعويض لو المعنوي تحياتي باريسي |
الواضح الغالي
موقف الله لايعيده أبدا تصدق حطيت نفسي مكانك وماقدرت لكن ربي رحمكم بنسيبك والمشكلة إن السياح العرب اللي يطيرون فلوسهم في السهرات والمنكرات وآخر شيء يقولون إنا فقدنا فلوسنا أو إنسرقت محافظنا ونبغى بس اللي يردنا لأهالينا أصبحوا كثار والناس صارت تحذر منهم فالموقف أيضا راح يكون صعب لو كان في ديرة سياحة تحياتي باريسي |
الاخوه الاعزاء
باريسي/الواضح/وهم انثى بكل صراح انا شخص اسمع كثير عن هاذي المواقف الى ترفع الضغط واستمتعة بالمواقف الى صارة عليكم وانا احمد ربي انها ماصارت معي لاني في مثل هاذي المواقف يمكن والاكيد اني ماامسك نفسي وباذات اذا قام يتميلح بالاعتذار يمكن اخمه بحلقه باريسي شكرن على الموضوع تحياتي لكم ودمتو بخير |
هلا بك يالغناوي
تصدق البارح كان لي موقف آخر ومن شدة البهذلة والله العظيم جلست أضحك وأتحسب على هالنظام المتهالك ولكن رغم دخول منافسيين في هذا المجال إلا إن الخدمة لم تتغير وبالنسبة للموظفين صحيح بعضهم يقل أدبه ولكن بعضهم يخذله النظام تحياتي باريسي |
| الساعة الآن 10:14PM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية