لعتلى صوت المدافع واظلم الليل بسواده = سطر التاريخ فينا ياوطن اعظم قصيده
يوم نورد في حياض الموت في عزم واراده = نحتمي حدك ونثبت في معاركنا الشديده
عن ترابك مالنا غير النصر والا الشهاده = ما نساوم من يريد بتربتك زرع المكيده
ياوطن ابشر بجندك سل سيفك من غماده = للتقى الصفين والله ما نبالي بالوقيده
يا وطن رايتك عليا والردي يلقى الاباده = لا حمى وطيس المعارك يجمد الدم بوريده
كل جندي يهيئ يا جنود الله عتاده = واقبلوا يم المواجه للعدو يلله نبيده
لا دعت راية وطنا وانتخت للحرب غاده = شفتنا مثل الصقور الجارحه وقت الهديده
للنصر خشم البنادق وللفخر هذا مداده = وللعدو نار تلظى وفوقها حد الحديده
افتخر اني سعودي لا ذكر كلن بلاده = من ديار اخوان نوره صدق وايمان وعقيده
الملوك اللي اساس المجد واعلاه وعماده = نوخو الصعب وبنوا فالعاصفه دوله رشيده
يا حماة الدين يا نبض الوطن يا عز قاده = امرونا لو نخوض البحر ما نخشى الفقيده

الغالي
الشاعر
عبدالعزيز الزهراني




الله انه يسعدك ويوفقك لمافيه الخير

وحياك الله معنا في شبكة منتديات رهب

اسعدني مروري وان اكون من المصافحين

لقصيدتك الشامخه بحروفك ووطنيتك

وصح لسانك وعلا شانك لاهنت





تقبل تحياتي

عبدالعزيز صح لسانك على هذه الرائعه حتى ولو كنت أرى بها بعض ألأخطاء الكيبورديه تحياتي