|
فقارى مساكين .. و ابل ملايين
اخواني .. اهل الطيب .. والعقل .. والدين = لحظة .. ابهديكم .. من الورد .. باقه اقروا معي .. لو يسمح الوقت .. بيتين = يبي لها .. تقرا .. بفكر .. ورواقه شوفوا .. بعين العقل .. من ناس .. غالين = البيت .. متشقق .. وطايح .. رواقه اموالنا .. تهدر .. مزاين .. بعارين = وعقولنا .. فيها جمود .. الإعاقه يا للاسف .. ضاعت ألوف .. وملايين = كله لجل .. تذكر .. مع فلان .. ناقه تراثنا .. نحييه .. ع الراس .. والعين = لكن .. مع التبذير .. ذنب .. وحماقه ترى البلد .. فيها فقار .. ومساكين = جوعى .. ولاحقهم .. من الوقت .. فاقه كم جامعي .. وده .. وظيفه .. بـ ألفين = لو .. لـ التخصص .. ما تمت بعلاقه كم للبطاله .. من ضحايا ..كثيرين = وأعلامنا .. نايم .. ولامن إفاقه همه يطبل .. لجل كورة .. وراعين = ولاّ .. لأهل الفن .. رقص .. ورشاقه وش قدموا .. للعيص .. وقت البراكين = ولاّ .. لجده .. غير حكي .. وخياقه لـ المجتمع .. لو قدموا .. ذا الملايين = لهل الكلى .. ولاّ .. لدور الاعاقه او وزعوها .. ع الفقارا .. الحزينين = او ساعدوا .. معسر .. وفكو وثاقه المال .. بيدين .. الرجال .. الحكيمين = بلسم جراح .. او .. اكسجين الافاقه ولاّ .. مع الجاهل .. مثل حد .. سكين = يفتح .. لدرب الشر .. ألفين طاقه يقولها اللي .. ميز .. الزين .. والشين = يقدم .. افكاره .. بذوق .. ولباقه شوفوا .. بعين العقل .. من ناس .. غالين = البيت .. متشقق .. وطايح .. رواقه |
لايزعلون عليك اهل الإبل بس
ههه ههه ههه تصوير جميل من شاعر غيور لما نراه يدور في واقعنا الآن ويتمنى ان يعود عصر عمر بن الخطاب رضي الله عنه ولكن هيهات صح بوحك ولاهنت تحياتي.. |
أنا
قصيده وافيه بسبكها ومعناها وما نقول الا الله لايؤاخذنا بما يفعل السفهاء منا صح لسانك صح لسانك تحياتي |
صح الساااااانك ولاهنت وسلمت ودمت
واااااافيه من راس وااااااااافي لاااااعدمتك |
الشاعر
اناااااااا الله انه يسعدك ويوفقك لمافيه الخير اسعدني مروري على متصفحك ومصافحة هذه القصيده الجميله والرائعه بسبكها وسلاستها لقد صورت واقع موجود في دول الخليج وصح لسانك وعلا شانك مليون ولا يكفون تقبل تحياتي |
المال .. بيدين .. الرجـال .. الحكيميـن بلسم جـراح .. او .. اكسجيـن الافاقـه الشاعر أنا :thumb: تصوير ولا أروع لظاهرة عفانا الله من عقوبتهااااااا وصح لسانك مليون مره تحياتي وتقديري لك |
جزل جزل جزل
احترامي لهكذ بوح وهكذا فكر. وما اجملها من هديه. اخواني .. اهل الطيب .. والعقل .. والدين..لحظة .. ابهديكم .. من الـورد .. باقـه اقروا معي .. لو يسمح الوقـت .. بيتيـن ..يبي لهـا .. تقـرا .. بفكـر .. ورواقـه \ لـالمجتمع .. لو قدمـوا .. ذا الملاييـن ..لهـل الكلـى .. ولاّ .. لـدور الاعـاقـه او وزعوهـا .. ع الفقـارا .. الحزينيـن ..او ساعـدوا .. معسـر .. وفكـو وثاقـه المال .. بيدين .. الرجـال .. الحكيميـن ..بلسم جـراح .. او .. اكسجيـن الافاقـه صح كلك ياخلفهم اي والله. وأطيب التحايا. |
هذا الشعر ولا بلاش
أنا الله يحفظك ويرعاك الشعر رسالة لايقوم بتبليغها من خلاله إلا الأمين المبدع لاتعليق على هذه المزيونة إلا بقولة ماشاء الله تبارك الله تحياتي باريسي |
شوفوا .. بعين العقل .. من ناس .. غالين الـبـيــت .. مـتـشـقـق .. وطــايـــح .. رواقـــــه هلا ومرحبا انت مع الاسف ما نراه اليوم من مغالاه في الابل وما نسمع عنه شي يضع واقعنا في مصاف الجهل والعوده الى القبليه العصبيه ومثل هذه الاحتفالات يصرف عليها ميزانيات ومبالغ باهضه ولا ننكر ان الابل زينه ومال لاصحابها ولكن بهذا الواقع اصبح الوضع صعب ومؤلم نسأل الله العفو والعافية والمعافاة صح لسانك وسلمت يداك على هذا النص المحكم لا فض فوك دمت بخير |
أنا صح لسانك جزل حرفك يجبرني أن أحييه على روعة معانية وسمو هدفه فما نراه من بذخ وتغافل مخيف جدا فتقبل مني عظيم التحايا والتقدير ودمت بتميز ودام بك ليلي وايت |
| الساعة الآن 01:54AM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية