|
حرب بمدرستنا بسبب شاعر المليون .....
السلام عليكم ورحمة الله وبركاته صارت لنا الاسبوع الفائت أزمة والى الآن والحرب قائمة بين جميع الآطراف....:(1 المكان طبعا" المدرسة الايام أختبارات ////// ولنبدأ ...:yasser: عندنا في المدرسة اربع حراس وكل واحد من ديرة تقريبا" المهم بسبب شاعر المليون وكل واحد مشتغل مشجع ومحمس لشاعر من الشعراء والظاهر صارت مشادة بينهم يوم السبت بسبب المنافسة بين التصويت للشعراء:nono: وما درينا الا الساعة 11 الا ودورية الشرطة عند الباب والحراس كل واحد ماسك بالثاني وذاك كاب الشاي على خويه وذاك ضارب خويه بالدفاية والسبب شاعر المليون واليوم انتشرت السالفة بالمدرسة وانتقلت انفلونزا شاعر المليون الى زوجات الحراس وكل وحده ماسكه شوشة الثانية والمشكله انهم كبار شوي بالعمر يعني ما يعرفون وشو تصويت اصلا" ، وبعد فك المشكلة وكل وحده عزلناه بغرفه لحاله علشان نهديهم وطبعا":(1 موقف مضحك الى درجة بعض الطالبات ساعدوا في فكهم من بعض بس رحمته وحده فيهم معه سكر وأغمى عليهاااااااا من الانفعال ...... :(1 وليش نشره على الصغار اذا قلنا متهورين ومتعاصبين وهذا كبار وفاهمين سوء رجال او نساء وكل واحد ما درى عن هوى داره شعراء المليون .:mf_tongue: والحرس متزاعلين وزوجاتهم بعد كل وحده ماسكه زوايه والبنات بدل ما يذكرون بين الفترات الاختبارات كنا في مدرج استاد الملك فهد الرياضي من الازعاج وأصبحت عندنا مشكله جديدة تحولت طاولات الطالبات الى ساحات من المحاوره وحسوفه كلها جديدة ونظيفة ولا الله يكرم الجميع دورات المياه وجدار ساحة المدرسة وصلهم التشجيع صار وضعنا مضحك مزري مبكي اي حاله مما سبق فهي صحيحة بس ندعوا الله أن يشفى من يسكن بمدرستنا من هذا المرض ودمتم بخير |
زمان العجايب
أنتي أصلا وش مجلسك فيها شوفي لك مدرسة غيرها أخاف يخربونك بعد وصدقيني أنا واحد من المتضررين من فقدان خدماتك في القسم العام وبالنسبة لشاعر المليون أو أي برنامج آخر أو حتى ميول بصفة عامة لابد أن يكون بعقل وحدود للصغير والكبير بعيد عن التعصب تحياتي باريسي |
اقتباس:
المشكله مو في المدرسة المشكله فينااااااااااا وهذا قضيتنا ننتهي من شاعر المليون يبدى ستار أكاديمي وبعده سوبر ستار وهكذا لدرجة ياحرااااااااام أحس اكثر ميزانية يصرفهاااااا التعليم على صبغ المدارس وهذه مشاكل مدرسنا المتوسط والثانوي ولا ألابتدائي يا حليلهم وعموما اذا شفتي مغيره توقيعي الى أحدى شعراء المليون علشان التصويت لا تخلوني أدعوا لي بالشفاء الدنيا ما تخلا باريسي أسعدني مرورك الطيب دمت بخير أخوي |
كلامك سليم يا زمان العجايب
بس لاننسى إن الصغار جهال وماعليهم ملام لأن المفروض من الكبار تعليم وتربية الصغار الأدب والإحترام ومراعاة الذوق العام والخاص لكن فعلا إذا صارت المشكلة من الكبار الله يصلح الجميع تحياتي باريسي |
هههههههههههههههههه
والله مت من الضحك ... اذا هذول الشيبان والعجايز وش بقو للمراهقين والشباب هع يسلمووووووو |
الله يعينكم
مهيب مدرسه ذي ساحة معركه دائما نقص الوعي ونقص الثقافه ينتج مثل الي صار بمدرستكم واكثر واحمد ربكم انها على كذا مدرسه عندنا بالشرقيه على حسب قرائتي للموضوع في منتدى التربيه والتعليم وحده من البنات مصوره المعلمات والطالبات ونفس الوقت ترسل لشاب تعرفه عند سور المدرسه يعني تفضح البنات بشكل مباشر والشاب يرسل لخوياه وبعد فتره اكتشفوها وتدخلت الهيئه والشرطه الله يعين بس حنا في وقت ينخاف منه الجهل يسوووووووووووووي مصايب زمان العجايب شكل مدرستكم في التصفيات النهائيه لشاعر المليون بتكون حرب البسوس ومشكوره حبيبتي وانتبهي لنفسك لاطولكم المعركه وتروحون في خبر كان:) :) :) |
الطيب هذا أخف مصيبة لأن سمعت اليوم في إذاعة mbc معلم وضع اسئلة الإمتحان صحح العبارة التالية :
نادي الزعيم هو الذي توج في بطوله زين هذا العام المطلوب كتابة العبارةبالحركات ؟ مارأيكم بهذا المعلم ؟ فإذا هذا معلم بهذا التفكير في صرح تعليمي كيف راح يكون عامة الناس تفكيرهم أعتقد لا ملامة للشخصين التي أشارت لها أختي زمن العجايب تفبلي مروري أختي زمن العجايب |
لاحول ولاقوة إلا بالله من أجل قصة تافهة حصل كل هذا الشجار نسأل الله العافية لهذه العقول الجاهلة
|
اقتباس:
صدقت الله يصلح الجميع يااااااارب باريسي دمت بخير |
اقتباس:
تسلمين فجر على ردك صادقه والله |
| الساعة الآن 12:34AM |
Powered by vBulletin® Copyright ©2000 - 2026, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية