يا(فهـد)والليالـي ماعليـهـا قـبـول=جور زي منت شايف جور ي( تويجري)
يا(فهـد)والليالـي قارعـات الطـبـول=لاتخلـي فقـيـر ولا تخـلـي ثــري
كنت من صغر سني أحلـم إنـي أطـول=قمة المجـد وأقطـف يانعـات إثمـري
أعشق النجم ودي آصلـه بـي فضـول=أحسب إني السمـوءل وإنـي البحتـري
ليت تـم إنتكاسـي وإستعـف الرحـول=واقـع ٍ فـي عيونـي بصمتـه تنقـري
آه واشيـب قلبـي يا(فهد)ويـش أقـول=آه وادبـل كبـدٍ كـن فيهـا إجـدري
تكسر الظَّهْر عيشة جني طلـع الفصـول=ضايـع ٍ والقنابـل تــدوي بدفـتـري
تحت معنى إكتفاء الـذات قيـد النـزول=يعني إني من أصحـاب السيولـه بـري
لكن وراسك أبقى على سلم الصعول=الطنا درعي وشيمة هلي خنجـري
يا(فهـد)وبعروقـي أجـودي ٍ زعـول=يا(فهد) والمصيبه( شاعـر و شمـري )
أحشم وجيـه ربعـي متعبيـن الخيـول=نازليـن المعالـي فـوق مفرق(شَـري )
ستر سلمى هل اللحيسا سراة الزحول=والحميا وراثه ماشروها شري
والمبادىء عصيـات الدموع وتحول=بيني وبين ما يخزي ويفصم عِري
ولو ما رحمة الله والحيا والأصول=كان باقي شوي من الـوزى وأنعـري
بيّنه واليخليـك أي صبـر و وصــول=جور زي منت شايف جور يـ( تويجري)

الغالي
الشاعر
غازي البستان

الله انه يسعدك ويوفقك لمافيه الخير
اسعدني مروري وان اكون اول المصافحين لمتصفحك
وما يحمله من شعر عذب له معنى ومضمون
انت شاعر وليس ذلك بغريب على شاعر مثلك
وما اقول الاصح لسانك وعلا شانك مليون ولا يكفون