لوتعرف التقديـر بنـت المدينـه=ماكان بنت النـاس عنـا تغلـى
منها حزيـن والنواظـر حزينـه=والخوف كله في غلانـا تسلـى
فيها المشاعـر كلبوهـا رهينـه=وحروفنـا فيهـا غلاهـا تجلـى
اشكي غلاها والظروف اللعينـه=عامن مضى والقلب في وسط ملى
ماشافت الملهـوف زاد بحنينـه=ولاشافت احواله ولا اللي وصلى
عينه تكحـل لـو تناظـر بعينـه=وقلبه وكله فـي غلاهـا تدلـى
الحاجز اللي حـال بينـي وبينـه=ومن رغم هـذا بالغـلا ما تشلـى
سفينتـه فيهـا ادور لميـنـه=ومن شمسها فيها يـدور لظلـى
من قسوة المحبوب نجـزم بلينـه=وامرارها بالذوق عنـدي تحلـى
المفترض مـن حبهـا ماتدينـه=مادام قلبـه مادخـل فيـه غلـى
من صوتها نبـره بااذانه كبينـه=وفي صدها نار وسيوفن تسلـى
لو ترطن بلحظه عرفنـا رطينـه=عن كل خلق الله صداره استقلـى
ليت الاواصر في غلانـا متينـه=وليت العقد ياناس فيهـا تحلـى
هاذي يميني في مصافـح يمينـه=دامه سفر بين الاحسـا والمكلـى
نحلة عسل بين الزهـور بطنينـه=نحلة ملك بيـن النحـل تستدلـى

المشاركة الأصلية كتبت بواسطة سفير المعاني (المشاركة 234701) الغالي الشاعر العتيبي الله انه يسعدك ويوفقك لما فيه الخير اسعدني مروري وان اكون اول المصافحين لقصيدتك العذبه بمفرداتها وسلاستها وروعتها وصح لسانك وعلا شانك مليون ولا يكفون وتقبل تحياتي

المشاركة الأصلية كتبت بواسطة السالم (المشاركة 234791) العتيبي اسعدتنا بهذه القصيده صح لسانك

المشاركة الأصلية كتبت بواسطة عقاب (المشاركة 234810) العتيبي صح لسانك على هذه الرائعه تحياتي

المشاركة الأصلية كتبت بواسطة خيّالـها (المشاركة 234811) العتيبي صح بوحك ولاهنت تحياتي..