|
من فضائل .. شاعر المليون
"
1 [ من فضائل .. شاعر المليون الإماراتي عبدالله الجابري إدهاش ولملة لأطراف الشعر بإحساس عالي .. أنتشينا مع نصه العطر كانت مشاركة راقية " فعلاً . بـ عنوان ( كتفِ الهمامْ ) يتنفّس اللّيل من ضيقِ الزّوايا كلامْ و الوعد يفرشْ على رملِ الأماني حصيرْ الحِلْم ينصبْ على بيدا ظروفي خيامْ و يضمّني من شتا الواقع و صيف المصيرْ أستصغر الحِزن رغم إني أعيش فـ ظلامْ مثل القمر ، واقِعه مظلم لكنّه ... ( يِنيرْ ) ! أحاوِل أعكسْ طموحي في عيونِ الأنامْ و أكحّل الحال ... لو إنّه زماني ضريرْ ! يا كم هبّت على ضْلوعي رياحِ الهيامْ لي خلف بيبانْ صدري أسمع لْها صفيرْ حمّلتْ نفسي من الدنيا هموم و خصامْ و صار الأمل في عيوني مثل كفّ الفقيرْ اللي لِيا طاح دمعه ... و الأسى فيه قامْ يشوف نفسه وسطْ عين المزكّي كسيرْ قالولي : صغير ... لا تحمّل زمانك ملامْ جاوبت : قولوا لـ زماني لا تعارضْ صغيرْ ! تمرّ الآمال في عيني : ( مرور الكرامْ ) شرواةْ صحوَ الضمير فـ صدر ما به ضميرْ ! و اليوم سقتِ الطّموح و نظرتي لـ الأمامْ و اللّي تِبقّى عليّ أفردْ جناحي و ... أطيرْ ! هِنا ترفرف من أفواه القصايد : حمامْ و أشم لـ العز ريحة زعفران و عبيرْ لـ عيون أرض الكرامة و الوفا و السلامْ بحاوِل أرضي القليل إن ما رضيتِ الكثيرْ عسى أول الصّبح يكتبني ع صدر الغمامْ شاعر ... طموحه : ( يِجمّل موطنه للأخيرْ ) يا دار شاعرْك صمته طال له حول عامْ مدّيه تصفيق دام إنّ الشّعر منْه ... غيرْ ! لو يازم المجد في سيره بعيد المرامْ لا بدّ يوصل مدامه صار لـ اهله سفير ْ هِنا يطيح العَتَب من فوق كتفِ الهمامْ و أخطّ فـ كتابي شي : ممكن يِصير ! غيري يقول المطر ناتج من الاصطِدامْ و أنا أقول السّحاب أتعبْه طول المِسيرْ ! يبغي يِخفّف من حْمول اللّيالي الجِسامْ و أرخى جفونِ العنا و انهلّ دمعه : غزيرْ ! مثلي بعد ما اختنقْني الصمت ، صغت الكلامْ نثرتْ منْه الكثير ... و اللي تِبقّى : ( كثيرْ ) ! , كم نشتاق ونحتاج , لمثل هذا العزف . . . |
2 [ من فضائل .. شاعر المليون السعودي محمد السعيد . ( تجربة حلم ) ما جيت وقتي بعد ما فاتني فوته .. .. .. .. .. .. .. لو قلت لخطاي في دربي تأنيني .. جيته مثل غصن تدلا بي بخوته .. .. .. .. .. .. ..ان ما قطف وحدتي او لا يثنيني .. واللي ذخر ما كتبه لما بعد موته .. .. .. .. .. .. .. لا صرت انا اياه يا ذكراي هنيني .. شاعر يسيل كلامه غيمة سكوته .. .. .. .. .. .. .. لا قال يا مجدبات القاف عِنيني .. من ونة ايتام شعره حول تابوته .. .. .. .. .. .. .. لكن نخاها دخيلك لا تونيني .. مثلي اذا ما تعمر صيته بيوته .. .. .. .. .. .. ..جعل الزمن مايجود بما يمنيني .. والبحر لو يحرمك دره وياقوته .. .. .. .. .. .. .. رزقك بشاطيه ولشاطيه دنيني .. يامترفة شاعرك عاف الفرح صوته .. .. .. .. .. .. .. ودي اهيجن عنا تكفين عنيني .. ايامي اوتار واقدار العمر نوته .. .. .. .. .. .. .. تفنني .. دوزنيها .. ثم غنيني .. ماودي اعيش عيشة زيف ممقوته .. .. .. .. .. .. .. في شرع من يعشقون الصدق سنيني .. يا مشرب المنهك المتعب ويا قوته .. .. .. .. .. .. .. اليا ضميتك وجعتك لا تحنيني .. دامك على ضلع من بك جن منحوته .. .. .. .. .. .. ..اقصى حدود العقل لما تجنيني .. حربك انا لو زمانك جار طاغوته .. .. .. .. .. .. ..لكن على مين ياحسرة تشنيني .. خلك مثل قنبلة بالصبر موقوته .. .. .. .. .. .. ..ولو انفجرتي بدم البوح حنيني .. واخر رجا من غدا التايه من نعوته .. .. .. .. .. .. ..هويتي ضايعة ممكن تبنيني ..! http://www.youtube.com/watch?v=5o0-exAoRto لم أقاوم . هذا الشعر . . |
غيري يقول المطر ناتج من الاصطِدامْ و أنا أقول السّحاب أتعبْه طول المِسيرْ ! يبغي يِخفّف من حْمول اللّيالي الجِسامْ و أرخى جفونِ العنا و انهلّ دمعه : غزيرْ ! القصيدة أعتبرها لوحة فنان مبدع نص فريد نادر حاليا فعلا عطاشا لهيك قصائد تحياتي باريسي |
بالفعل أخي .. باريسي نشتاق لمثل هذا العزف .. وانا بدوري لا أستطيع المقاومة .. فأنثر هذا الأريج لمن يستحقه شكراً لحضورك . . |
3
[ من فضائل .. شاعر المليون سعيد بن مانع الرفيدي . 1 2 الأوّلـه بديـت بالله مطلـبـي و الثانيه كُل(ن)يصلي على النبي و الثالثه سلام مني ( لبو ظبي ) العلم مِلح الطّارش وهاكم العلوم شاعر وقويّت العزايم على القدوم في شاعر المليون واخايل النجوم ويسلم لنا الملْفا و ذا علم مـن لفـا و أنا رفيدي واقحطان العريبة ساسي و أهل الجنوب أهل الوفا هم محازمي القصيده الرئيسيه . أعسف أمهاري و اريق الحبر و أسن قلمي و أدخل الميدان و عيونـي تناظـر لسّمـا دام راسي مخزن الأفكار و الفوهـه فمـي أطلقي من زند شعري يا حروف بـلا دمـا يا حياةٍ تجعل فؤادي علـى اسمـي سمـي أو مماتٍ يروي اسمي من عقب هاك الضما ابتهج يَسْمي نَهَجْتِكْ صـوب عـدٍ عيْلمـي عدْ ما كل الأسامـي تـارده مالـه كمـا شاعرٍ مثل النخل شامخ و عذقـه مرتمـي ناجحٍ و اللي رما مـن لام فعلـه لا رمـا لو هبوب الوقت هبت ما تزعـزع بقدمـي أو جيوش الحقد غارت مَدْخلت حـد الحمـا و الله إنه دون شعري ما تراخى محزمـي محْتـزم بالحضرميـة و افتخـر بالانتمـا انتمائـي للسعوديـة و للمجـد أنتـمـي موطنٍ لو راح عمري له فلا تسـأل لمـا لأنه اللي صار فضله بين نبضي و انسمـي و لأنه اللي ساق غيمة عز وابلهـا همـا لا زهمْ حتى الصبي يقبل سوات الصيرمـي لد أبوه لزرقته مـا قـال عـود يـا نمـا دون حدّه و الله إن شبحي لرمحي و سهمي كل عرقٍ ينبض بحبه عـن الشكّـة سمـا و كل عظمة من عظام الشعب طوبٍ محتمي شكلوا سورٍ قطيب الساس في حبـه زمـا لأن مابه عز من راقت على أنحاه الدمـي و الشرف يبنا على رجمٍ من رفات عظمـا يا وطنا نام بسم الله عليـك مـن العمـي ما علينا في عما قدّا علـى دربـه عمـا هيه يا هدهد سبأ من لبسك تـاج أعجمـي لين صاروا فيك أهل بيتك شقايـا وخصمـا صار حلمك مملكة بلقيس و الملك أقدمـي يا صخيف الريش لو فكرت فيها قبـل مـا . . صلاة الجماعه انا وش اللي بغيبتـك مستفيـده ؟ صدري وصل م.. الهم حد الشباعه الصبح يضحك لي بضحكه جديـده وانا الى هالحين مانمـت ساعـه اسهر واسامر كل نجمـه فريـده وان نمت ؟ قالت ليه هذي القطاعه ياغايبه والليـل لا قويـت ايـده ؟ يدي ضعيفـه ماتقـاوي صراعـه الحـب دمٍ والمواصـل وريــده والقلب هو اللـي يزيـد اندفاعـه غبتي وسميتـك : قريبـه بعيـده والعين تحسد خافقـي عالقناعـه جاعت عيوني شوفتـك ياعنيـده ماترحمين اللي بلتـه المجاعـه ؟ بينـي واحزانـي علاقـه وطيـده مثل العلاقه بين عقـرب وساعـه فراقـك الله يمحـقـه لا يعـيـده لازاد زاد الجـرح معـه اتساعـه نسياني اكذب من كـلام الجريـده وكتماني اعتم من عتام الإشاعـه وأشواقي اصدق من فعايل رفيـده وأبلغ من طعون اليدين الشجاعـه شوقٍ هبا في القلب وسم الحديـده والقلب لولا الصدر ؟ تم انتزاعـه ولاجـداي الا حـروف القصيـده عسى تزودنـي شويـة مناعـه لك الله اصبر عالريـاح الشديـده يالمركب اللي ضاع منه شراعـه عسى الفرج يقبل ويهنـاك عيـده وتبات عين اللي شقا البُعد لاعـه وأقول للنجمـات فرصـه سعيـده والمعذره دامي نويـت القطاعـه ياغايبـه والنخـل يبّـس جريـده ولا يغـرك راسهـا وارتفـاعـه به في غيابك فايده بـس وحيـده يمكن إنها هي العـزا والشفاعـه تدرين وش في غيبتك مستفيـده ؟ اني اصلي الفجر ويـا الجماعـه . . |
| الساعة الآن 05:45AM |
Powered by vBulletin® Copyright ©2000 - 2025, Jelsoft Enterprises Ltd.
HêĽм √ 3.1 BY: ! ωαнαм ! © 2010
جميع الحقوق محفوظة لشبكة رهب الأدبية