الايا زمان القيل ومدورين القال = تغير بشر ولا الزمن مابه اعتابي
في عصر ازدهار العولمه كثرة الاهوال= وشناب الحقيقه طالع غيرها شنابي
عثوا فالشعروالشعر يشكي على لابطال=حزين على لبداع ماكنه اعرابي
تبختر به الجاهل ليا جرله موال= وطلع في قنوات الفضاء كنه ارهابي
على غير يمه لابس مشلح وعقال =ويرفع يدينه للجماهير ويبابي
ونا شوف حتى كلمة الحق ماتنقال = وهي كلمة مادونها ستر وحجابي
ياسعود انت من بيت الادب وافي الاخصال= وسكوتك بعصر المعمعه يحرق اعصابي
تحزم بسيف لمعته ترهب الانذال= وفعله ينومس عند قيفك ولاجنابي
وجودك بساحات الادب تسعد العقال = وغيابك يا شاعر زعب محسوب لاغابي
ياسعود المواقف دايم تصنع الرجال = ونا عارفك ياسعود وافي على مابي
انا ابغاك دايم يا صديقي على لطلال =ونا والله اني معك لو ماتعزوابي
ونا بيني وبينك مراسيل بالجوال = وعود وعهود ارجال مع خيرة اصحابي
لا تبطي علينا فالوعد ياعريب الخال= ولاجاك مندوبي فلا تقفل البابي
ولعذار بالاشغال كل لديه اشغال = ولاكن فيها سلبي اشغال ويجابي
وسلامي على زعب العريقه وكيف الحال= من اكلب ومنى ياعريبين الانسابي

زمان العجايب يذهل اهل العقول اذهال=تعيش وتشوف اكثر من انواع الاعجابي
ولا يازمان العولمه لو عليك اقبال=مريض بجرحك مايفيدن الاطبابي
ياكم ضلم بك من طيب ومن كريم اسبال=وعاش ابك نصاب على الناس لاعابي
حتى الشعر ديوان العرب صاربه زلزال= طمع فيه منهو يلبس الجنز والكابي
احد في يده سبحه وحد في يده سلسال=وحد شايل عجراء وحد شال مشعابي
غدى الشعر مثل السلعه اللي مع الدلال=غدوبه هل التصويت ماهوب الادابي
هدفهم على شان المكاسب وراس المال= هواة الشعر صاروا جماهير واحزابي
حسيبي على المحتال ومشجع المحتال= يحاول يبى الشهره وهو بيينن غابي
ونا مبتعد من كثر الانواع ولاشكال= لين الاكلبي رفعلي الصوت ودوابي
عبدالله يقول الصبر مر اليا من طال = اشوف الحطب ينباع في سوق الطيابي
ياعبدالله الدعوى لها مخرج ومدخال=زمان نفتاح وكل شي له اسبابي
وابشرك باقي العرف في المجتمع لازال=صدوق الحجج يفلج ثمانين كذابي
وتبقى الجمال اجمال في دبرة الجمال =وفرخ الحرار ايحل في راس مرقابي
وشرهات الشعر يا صاح ماهي علي الحال= انا غيري ازحول يحلون الانشابي
وعلى رسالتك مشكور ياراعي المرسال=صح الله لسانك في تعابير الاشبابي
ولا يابني اكلب هل المنزل المتعال=سلامي عليكم عد ماهب هبابي

حـتـى الشـعـر ديــوان الـعـرب صـاربـه زلـــزال**طـمـع فـيــه مـنـهـو يـلـبـس الـجـنـز والـكـابـي
------------
هذا زمان يا الشاعر مات به لرجال *** لي بدلوا لبسهم بتقليد لغرابي
حط له بشعره جل لا شماخ لا عقال *** وعاداتنا للاسف دفنت بالترابي

****
بيتنين خارج عن موضوعك السبب الجنز والكابي

تقبل مروري واحترامي

الغالي
الشاعر
عبدالله الاكلبي

الله انه يسعدك ويوفقك بجميع اوقاتك

اسعدني مروري على متصفحك ومصافحة

قصيدتك الاجمل من جميله وقصيدة الشاعر سعود

صح لسانك ولسان سعود وعلا شانكم ولا هنتم


تقبلوا تحياتي

المشاركة الأصلية كتبت بواسطة سفير المعاني (المشاركة 233376) الغالي الشاعر عبدالله الاكلبي الله انه يسعدك ويوفقك بجميع اوقاتك اسعدني مروري على متصفحك ومصافحة قصيدتك الاجمل من جميله وقصيدة الشاعر سعود صح لسانك ولسان سعود وعلا شانكم ولا هنتم تقبلوا تحياتي